Nonb 35:12 - Bib Sen An: Kreyòl Ayisyen

¹² Vil yo va pou nou yon refij kont vanjè yo, pou sila ki touye moun nan pa mouri jiskaske li ta vin kanpe devan kongregasyon an pou jije.

1998 Haïtienne

¹² Se la y'a pwoteje l anba fanmi mò a ki ta chache tire revanj mò a. Yo p'ap gendwa touye l toutotan yo pa jije l devan tout moun.

Nonb 35:12 Referans Kwoze

2 Samyèl 14:7

Koulye a, gade byen, tout fanmi an gen tan leve kont sèvant ou an. Y ap mande m lonje ba yo sila ki te frape frè li a, pou nou kab mete li a lanmò pou lavi a frè l ke li te touye a, e vin detwi eritye a tou. Konsa, yo va etenn sèl chabon limen ki rete a, pou kite mari mwen san non, san rès sou fas tè a.”

Nonb 35:13

Vil ke nou bay yo va sis vil nou yo pou azil.

Nonb 35:19

Vanjè san an va, li menm, mete asasen an a lanmò. Li va mete li a lanmò depi li rankontre li.

Detewonòm 19:4

“Men sa se kondisyon ka a moun ki kapab sove ale rive la pou viv: Lè li vin touye zanmi li san entansyon eksprè, san ke li pa t rayi li avan——

Detewonòm 19:6

Otreman, vanjè san an ta petèt kouri dèyè sila ki touye moun nan, epi nan chalè kòlè li, rakontre l akoz distans lan twòp, e pran lavi li, malgre li pa t merite mouri, akoz ke li pa t rayi li avan.

Jozye 20:2

“Pale a fis Israël yo e di: ‘Etabli vil azil ke M te pale ou pa Moïse yo,

Jozye 20:9

Sila yo se te vil yo chwazi pou tout fis Israël yo, pou etranje ki demere pami yo, pou nenpòt moun ki touye yon moun san eksprè, kapab sove ale rive la e pa mouri pa men a vanjè san an jiskaske li vin kanpe devan asanble a.