Neyemi 2:12 - Bib Sen An: Kreyòl Ayisyen

¹² Mwen te leve pandan lannwit lan, avèk kèk bon mesye avèk mwen. Mwen pa t pale pèsòn sa ke Bondye mwen an te mete nan tèt mwen pou fè pou Jérusalem nan, e pa t gen bèt avè m sof ke sila ke mwen menm te monte a.

1998 Haïtienne

¹² Apre sa, mwen leve nan mitan lannwit, mwen pran kèk moun pa m avè m. Mwen pati san m pa di pèsonn sa Bondye te ban m lide fè pou lavil Jerizalèm. Sèl bèt nou te pran ak nou, se te bèt pou m moute a.

Neyemi 2:12 Referans Kwoze

Esdras 7:27

Beni se SENYÈ a, Bondye a papa zansèt nou yo, ki te mete yon bagay konsa nan kè a wa a, pou fè bèl kay SENYÈ a ki Jérusalem nan;

Neyemi 2:11

Konsa, mwen te vini Jérusalem, e mwen te la pandan twa jou.

Neyemi 2:13

Konsa, mwen te sòti deyò nan nwit lan akote Pòtay Vale a, vè Pwi Dragon an, anplis pou rive nan Pòtay Fimye a, e mwen t ap pase fè enspeksyon miray Jérusalem yo, ki te kraze nèt ak pòtay li yo ki te manje pa dife.

Sòm 122:6

Priye pou lapè Jérusalem. Sila ki renmen ou yo va pwospere.

Sòm 51:18

Avèk bonte Ou, fè byen pou Sion. Bati miray a Jérusalem yo.

Pwovèb 12:23

Yon moun pridan kache sa li konnen; men kè moun san konprann pale jis nan foli.

Eklezyas 3:7

Yon tan pou chire e yon tan pou koude; yon tan pou rete an silans e yon tan pou pale.

Jeremi 31:33

“Men sa se akò ke M va fè ak lakay Israël apre jou sa yo”, deklare SENYÈ a: “Mwen va mete lalwa M anndan yo e sou kè yo Mwen va ekri l; epi Mwen va Bondye yo, e yo va pèp Mwen.

Jeremi 32:40

Mwen va fè yon akò k ap pou tout tan nèt avèk yo, ke Mwen p ap vire kite yo, pou fè yo byen. Konsa Mwen va mete lakrent Mwen anndan kè yo pou yo pa vire kite Mwen.

Amòs 5:13

Alò nan yon tan konsa, sila ki saj la oblije rete an silans, paske tan an vin plen ak mechanste.

Miche 7:5

Pa fè konfyans ak yon vwazen. Pa fè konfyans ak yon zanmi. Ak fi la k ap kouche ak ou a, gade pòt bouch ou!

Matye 10:16

Veye byen, Mwen voye nou tankou mouton nan mitan lou. Konsa, se pou nou saj kon sèpan, men inosan kon toutrèl.

Matye 2:14

Joseph te leve pran Pitit la avèk manman L pandan nwit lan pou te ale an Égypte.

2 Korent 8:16

Men gras a Bondye ki mete menm zèl la pou nou nan kè Tite la.

Jozye 10:9

Konsa, Josué te parèt sou yo sibitman akoz yo te mache nan nwit lan soti Guilgal.

Revelasyon 17:17

“Paske Bondye te mete nan kè yo pou fè volonte L avèk bi ke yo gen ansanm nan, e pou donnen wayòm pa yo a bèt la, jiskaske pawòl Bondye yo ta vin akonpli.

Jij 6:27

Alò, Gédéon te pran dis mesye nan sèvitè li yo, e li te fè jan SENYÈ a te pale li a. Epi akoz li te pè lakay papa li ak mesye lavil yo, li pa t fè l nan lajounen, men pandan lannwit.

Jij 9:32

Pou sa, fòk nou leve pandan nwit lan, nou menm avèk pèp nou an, pou kouche tann nan chan an.