Matye 7:6 - Bib Sen An: Kreyòl Ayisyen

⁶ “Pa bay sa ki sen a chen yo; ni pa jete pèl nou yo devan kochon yo, sinon yo va foule yo anba pye epi vire pou chire nou an mòso.

1998 Haïtienne

⁶ — Piga nou bay chen bagay ki apa pou Bondye. Ni tou piga nou voye bijou nou devan kochon. Si nou fè sa, kochon an mache sou yo, lèfini l'a vire sou nou pou devore nou.

Nouvo Testaman: Vèsyon Kreyòl Fasil

⁶ Pa voye bagay sakre devan chyen. Y ap vole sou ou epi dechire w. Pa voye bijou ki gen valè devan kochon. Sèl sa l konn pou l fè avè l se pilonnen l nan labou.

Matye 7:6 Referans Kwoze

Pwovèb 11:22

Tankou yon bag fèt an lò nan nen a kochon, se konsa yon bèl fanm ki manke bon sans.

Pwovèb 23:9

Pa pale nan zòrèy a moun sòt, paske l ap meprize sajès a pawòl ou yo.

Pwovèb 26:11

Tankou yon chen ki retounen nan vomi li, se konsa yon moun ensanse kap repete foli li.

Pwovèb 26:4

Pa reponn yon moun ensanse selon foli li, oswa ou va vin tankou li.

Matye 15:26

Men Li te reponn: “Li pa bon pou pran manje ki pou timoun yo pou jete l bay chen.”

Matye 24:10

“Konsa, nan tan sa a, anpil moun ap chite. Youn ap denonse lòt, e youn ap rayi lòt.

Matye 7:5

Ipokrit! Premyeman, retire gwo bout bwa nan zye ou a, e konsa w ap kapab wè byen klè pou retire ti kras ki nan zye frè ou a.

2 Korent 11:26

Souvan mwen te fè vwayaj, an danje nan rivyè, danje ak vòlè, danje ak pwòp moun peyi mwen, danje ak moun etranje yo danje nan vil yo, danje nan dezè, danje sou lanmè, e danje pami fo frè yo.

Filipyen 3:2

Veye chen yo, veye ouvriye mechan yo, veye fo sikonsizyon an.

Ebre 10:29

Ki pinisyon pi rèd ou panse li va merite, sila ki foule anba pye li Fis a Bondye a, e gade san akò pa sila li te vin sanktifye a, kòm pa pwòp, e ki ensilte Lespri lagras la?

Ebre 6:6

e ki answit, te vin tonbe, se enposib pou renouvle yo ankò a repantans, paske yo ankò krisifye pou kont yo Fis Bondye a e ekspoze Li a lawont piblik.

2 Pyè 2:22

Men sa ki vin rive a yo menm selon vrè pwovèb la: “Yon chen retounen a pwòp vomisman l” epi “gwo manman kochon an, lè l fin benye, li retounen woule kò l nan labou a.”

Revelasyon 22:15

Deyò se chen yo, majisyen yo, moun imoral yo, asasen yo, idolat ak tout sila ki renmen e ki gen pratik bay manti.