Mak 4:5 - Bib Sen An: Kreyòl Ayisyen

⁵ “Lòt grenn te tonbe nan wòch kote pa t gen anpil tè. Byen vit, li te leve, paske tè a pa t gen pwofondè.

1998 Haïtienne

⁵ Yon pati tonbe nan mitan wòch, kote ki pat gen anpil tè. Grenn sa yo leve byen vit, paske tè a pat fon.

Nouvo Testaman: Vèsyon Kreyòl Fasil

⁵ Yon lòt pati nan grenn yo tonbe sou karyann, kote ki gen yon ti gras tè. Grenn yo jèmen byen vit, men plant yo pa t pran anpil tan pou yo mouri paske pa gen tè a pa fon ase pou rasin yo antre.

Mak 4:5 Referans Kwoze

Ezekyèl 11:19

Konsa, Mwen va bay yo yon sèl kè e Mwen va mete yon lespri nèf anndan yo. Epi Mwen va retire kè wòch ki nan chè yo a, e Mwen va bay yo yon kè ki fèt ak chè,

Ezekyèl 36:26

Anplis, Mwen va bay nou yon kè tounèf e Mwen va mete yon lespri tounèf anndan nou. Epi Mwen va retire kè wòch la soti nan chè nou pou bay nou yon kè ki fèt ak chè.

Oze 10:12

Simen a nou menm anvè ladwati, rekòlte selon ladousè. Fann tè ki poze ou a; se lè pou chache SENYÈ a jis lè Li vin vide ladwati sou nou.

Amòs 6:12

Èske cheval konn kouri sou wòch, oswa èske yo ka charye wòch yo ak bèf? Konsa, nou te fè Lajistis vin tounen pwazon e fwi ladwati vin anmè nèt.

Matye 13:20

Sa ki te simen nan wòch yo se moun ki tande pawòl la e imedyatman li resevwa l avèk jwa;

Mak 4:4

Pandan li t ap simen, kèk grenn te tonbe akote wout la pou zwazo yo vin manje l nèt.

Mak 4:6

Konsa, lè solèy la fin leve, li te vin brile, e akoz li pa t gen rasin, li te fennen.

Lik 8:13

“Sila yo nan tè plen wòch la se sila yo ke lè yo tande, resevwa pawòl la avèk jwa, men yo pa gen rasin. Yo kwè pou yon tan, epi nan tan tantasyon, yo lage tonbe.

Lik 8:6

Lòt semans te tonbe nan tè plen wòch, e pandan yo t ap grandi, yo te fennen akoz ke li pa t gen dlo.