Mak 4:40 - Bib Sen An: Kreyòl Ayisyen

⁴⁰ Li te di yo: “Poukisa nou pè konsa? Jiska prezan, nou poko gen lafwa?”

1998 Haïtienne

⁴⁰ Apre sa, li di yo: — Men, poukisa nou pè konsa? Nou poko gen konfyans toujou?

Nouvo Testaman: Vèsyon Kreyòl Fasil

⁴⁰ Apre sa, Jezi di yo: “Poukisa nou pè konsa? Nou pa gen lafwa?”

Mak 4:40 Referans Kwoze

Ezayi 42:3

Yon wozo ki brize, Li p ap kase, e yon fisèl bouji ki brile fèb, Li p ap etenn. Ak fidelite, Li va mennen lajistis e fè l vin parèt.

Ezayi 43:2

Lè w ap pase nan gwo dlo yo, Mwen va la avèk ou; epi nan rivyè yo, yo p ap debòde sou ou. Lè w ap mache nan dife a, ou p ap brile, ni flanm nan p ap brile ou.

Matye 14:31

Lapoula, Jésus te lonje men li e te kenbe l. Li te di l konsa: “Ou menm avèk mank lafwa, poukisa ou te doute?”

Matye 16:8

Men Jésus, okouran de sa, te di yo: “O moun ak ti lafwa piti yo, poukisa nou diskite pami nou ke nou pa gen pen?

Matye 6:30

“Men si se konsa ke Bondye abiye zèb chan an, ki la jodi a, e demen ap jete nan dife, konbyen anplis L ap fè pou nou, o nou menm, moun ki manke lafwa!

Matye 8:26

Li te reponn yo: “Poukisa nou pè konsa, moun ak ti lafwa piti?” Konsa Li te leve. Li te reprimande van an avèk lanmè a, e tan an te vin kalm nèt.

Mak 4:41

Yo te etone avèk laperèz e yo te di: “Ki moun sa ye ke menm van avèk dlo lanmè obeyi Li?”

Lik 8:25

Li te di yo: “Kote lafwa nou ye?” Yo te ranpli avèk lakrent. Yo te etone, e te di youn lòt: “Alò, kilès nonm sa ye ki kòmande menm van avèk dlo a, e yo obeyi a?”