Mak 3:10 - Bib Sen An: Kreyòl Ayisyen

¹⁰ Paske Li te geri anpil moun, e kon rezilta, tout sa ki te aflije yo t ap peze L pou yo ta kapab touche L.

1998 Haïtienne

¹⁰ Paske, jan li t'ap geri anpil moun, tout malad yo te vide sou li pou yo te manyen li.

Nouvo Testaman: Vèsyon Kreyòl Fasil

¹⁰ Kòm Jezi t ap fè anpil gerizon, tout moun ki te malad t ap pouse youn lòt pou yo ta kapab touche l.

Mak 3:10 Referans Kwoze

Jenèz 12:17

Men SENYÈ a te frape Farawon avèk gwo malè yo akoz Saraï, madanm Abram nan.

Nonb 11:33

Pandan vyann nan te toujou nan dan yo, avan yo te menm moulen li, kòlè SENYÈ a te vin limen kont pèp la, e SENYÈ a te frape pèp la avèk yon epidemi byen sevè.

Matye 12:15

Men Jésus te vin konnen tout sa, e Li te retire kò l. Anpil moun te swiv Li, e Li te geri yo tout.

Matye 14:14

Lè L te debake atè, Li te wè yon gran foul. Li te gen konpasyon pou yo, e Li te geri malad yo.

Matye 14:36

Yo t ap sipliye L pou yo ta kapab sèlman touche rebò a vètman Li, e tout sila ki te touche L yo te geri nèt.

Matye 4:23

Jésus t ap prale toupatou nan tout Galilée. Li t ap enstwi nan sinagòg yo pou pwoklame bòn nouvèl wayòm nan, e Li t ap fè gerizon tout kalite maladi pami pèp la.

Mak 5:34

Jésus te di li: “Fi, se lafwa ou ki bay ou lasante. Ale anpè, e resevwa gerizon de maladi ou a”.

Mak 6:56

Nenpòt kote Li te antre nan bouk ak gran vil oswa andeyò, yo t ap vin depoze moun malad nan mache yo pou sipliye L pou yo ta kapab sèlman touche rebò vètman Li, akoz tout moun ki te touche l t ap vin geri.

Mak 8:22

Yo te rive Bethsaïda. Moun yo te pote bay Li yon mesye avèg e yo te sipliye L pou te touche l.

Lik 5:3

Li te antre nan youn nan kannòt yo ki te pou Simon, e Li te mande li pou mete yo a yon ti distans de tè a. Li te chita, e te kòmanse enstwi foul la depi nan kannòt la.

Lik 6:19

Tout foul la t ap eseye touche Li, paske pouvwa t ap sòti sou Li, e t ap geri yo tout.

Lik 7:2

Epi esklav a yon sèten santenye, ke li te renmen anpil, te malad e te prèt pou mouri.

Lik 7:21

Nan menm lè sa a, Li te geri anpil moun avèk maladi, afliksyon, ak move lespri; epi Li te bay vizyon a anpil moun ki te avèg.

Travay 5:15

Yo t ap menm pote malad yo e mete yo nan lari; yo te fè yo kouche sou kabann ak palèt, pou menm yon ti kras lonbraj Pierre, lè l pase, ta kapab tonbe sou nenpòt nan yo.

Ebre 12:6

Paske sila ke Bondye renmen yo, Li disipline yo, e Li fwete tout fis ke L resevwa.”