Levitik 21:1 - Bib Sen An: Kreyòl Ayisyen

¹ Alò SENYÈ a te pale avèk Moïse. Li te di: “Pale avèk prèt yo, fis Aaron yo. Di yo konsa: ‘Pèsòn pa pou konwonpi kò l avèk yon moun mouri pami pèp li a,

1998 Haïtienne

¹ Senyè a di Moyiz konsa: — Pale ak pitit Arawon yo, prèt yo. W'a di yo konsa: Lè yon prèt gen yon moun mouri nan fanmi l, piga li patisipe nan okenn seremoni yo fè pou mò, pou sa pa mete l nan kondisyon pou l pa ka fè sèvis Bondye,

Levitik 21:1 Referans Kwoze

Ezekyèl 44:25

“‘“Yo p ap ale kote yon moun mouri pou yo vin souye; sepandan, pou papa, manman, pou fis, fi, pou frè, oswa yon sè ki pa t gen mari, yo kapab souye tèt yo.

Oze 5:1

Tande bagay sa a, O prèt yo! Prete zòrèy ou O lakay Israël! Koute byen, O lakay wa a! Paske jijman an se pou ou, paske ou te yon pèlen nan Mitspa e yon Filè ouvri sou Thabor.

Levitik 19:28

“‘Nou pa pou koupe kò nou pou moun mouri yo, ni fè tatou sou kò nou: Mwen se SENYÈ a.

Levitik 21:11

Li pa pou pwoche okenn moun mouri, ni konwonpi tèt li menm si se pou papa li oswa manman li.

Malachi 2:1

“Alò, koulye a, prèt yo, lòd sa a se pou nou.

Malachi 2:4

Konsa, nou va konnen ke Mwen te voye lòd sa a bannou, pou akò Mwen an kapab kontinye ak Lévi”, pale SENYÈ dèzame yo.

Nonb 19:11

“‘Sila ki touche kadav a nenpòt moun, va pa pwòp pandan sèt jou.

Nonb 19:14

“‘Sa se lalwa lè yon nonm mouri nan yon tant: tout moun ki antre nan tant lan ak tout moun ki deja nan tant lan, vin pa pwòp pandan sèt jou.

Nonb 19:16

“‘Osi, nenpòt moun ki nan chan louvri, e ki touche yon moun ki te touye pa nepe, oswa ki te mouri nenpòt jan, swa yon zo Kretyen oswa yon tonm, li va vin pa pwòp pandan sèt jou.

Nonb 5:2

Kòmande fis Israël yo pou yo voye fè kite kan an chak moun lalèp ak tout sila ki gen ekoulman yo, oswa chak moun ki pa pwòp akoz a yon moun mouri.

Nonb 6:6

“‘Tout jou a separasyon li yo, li pa pou pwoche yon mò.