Lamantasyon 5:1 - Bib Sen An: Kreyòl Ayisyen

¹ Sonje, O SENYÈ, sa ki te rive nou an. Gade pou wè repwòch nou.

1998 Haïtienne

¹ Senyè, gade sa ki te rive nou non! Voye je gade nou. Wè nan ki mizè nou ye!

Lamantasyon 5:1 Referans Kwoze

Neyemi 1:3

Yo te di mwen: “Retay ki la nan pwovens lan, ki te chape e ki te reziste malgre kaptivite a nan gwo pwoblèm ak dezolasyon. Miray Jérusalem nan kraze nèt e pòtay li yo fin brile ak dife.”

Neyemi 1:8

“Sonje pawòl ke Ou te kòmande sèvitè Ou a, Moïse, lè Ou te di: ‘Si nou pa fidèl, Mwen va gaye nou pami pèp yo;

Neyemi 4:4

Tande, O Bondye pa nou an, kijan nou meprize! Fè repwòch pa yo retounen sou pwòp tèt yo, e livre yo pou yo ta vin piyaje nan yon peyi an kaptivite.

Jòb 10:9

Sonje, souple, ke Ou te fè m kon ajil. Èske Ou ta fè m retounen pousyè ankò?

Jòb 7:7

Sonje byen ke lavi m pa plis ke yon souf; zye m p ap wè sa ki bon ankò.

Sòm 119:153

Gade sou afliksyon mwen an e delivre m, paske mwen pa bliye lalwa Ou a.

Sòm 74:18

Sonje bagay sa a, O SENYÈ, ke lènmi yo te meprize Ou, e yon pèp ki plen ak foli te refize non Ou.

Sòm 79:12

Fè remet a vwazen nou yo, sèt fwa antre nan vant yo, repwòch avèk sila yo te repwoche Ou a, O SENYÈ.

Sòm 79:4

Nou gen tan vin yon repwòch pou vwazen nou yo, Yon rizib ak yon betiz pou sila ki antoure nou yo.

Ezayi 62:6

Sou miray ou yo, O Jérusalem, Mwen te plase gadyen yo. Tout lajounen ak tout lannwit, yo p ap janm rete an silans. Nou menm ki raple SENYÈ a, pa pran repo pou tèt nou;

Jeremi 15:15

Ou menm ki konnen, O SENYÈ, sonje mwen e pran vanjans sou pèsekitè mwen yo. Nan pasyans Ou, O SENYÈ, pa retire m nèt; rekonèt ke pou non Ou, mwen te sipòte repwòch.

Jeremi 51:51

“Nou vin wont akoz nou te tande repwòch. Wont lan fin kouvri figi nou, paske etranje yo te antre kote ki sen lakay SENYÈ a.”

Lamantasyon 1:11

Tout pèp li a plenn nan gòj. Yap chache pen. Tout sa ak valè deja vèse bay pou manje, pou kenbe nanm yo vivan an. “Gade, O SENYÈ, paske mwen vin meprize.”

Lamantasyon 1:20

Gade, O SENYÈ, paske mwen nan gwo twoub. Lespri m twouble anpil; kè m boulvèse anndan m, paske mwen te fè rebèl anpil. Nan lari, se nepe k ap touye; nan kay, se tankou lanmò.

Lamantasyon 1:9

Depi nan jip li, salte a te la. Li pa t konsidere davni li. Akoz sa li te vin tonbe yon fason etonan. Napwan moun pou konsole l. “Gade, O SENYÈ, afliksyon mwen an; paske ènmi an vante tèt. Li vin ògeye!”

Lamantasyon 2:15

Tout moun ki pase akote chemen an bat men yo pou moke ou. Yo sifle anlè kon koulèv sou fi Jérusalem nan, epi yo di: “Men èske se vil sa a yo te konn rele ‘pèfeksyon a bèlte a, yon jwa de tout tè a’?”

Lamantasyon 2:20

Gade pou wè, O SENYÈ! Avèk kilès ou te aji konsa? Èske fanm ta dwe manje pwòp pitit pa yo, pitit yo ki te fèt an bòn sante? Èske prèt la ak pwofèt la dwe vin touye nan sanktyè Senyè a?

Lamantasyon 3:19

Sonje soufrans mwen ak mizè mwen an; dlo absent ak anmetim ki nan kè m nan.

Lamantasyon 3:50

jiskaske SENYÈ a gade anba soti nan wotè syèl la pou wè.

Lamantasyon 3:61

Ou te tande repwòch yo, O SENYÈ, tout manèv yo kont mwen.

Abakik 3:2

SENYÈ, mwen te tande yon rapò sou Ou menm e mwen kanpe etonnen nèt. O SENYÈ, fè zèv ou yo leve ankò nan mitan ane yo. Fè yo vin koni nan mitan ane yo. Nan chalè kòlè, Ou, sonje mizerikòd.

Lik 23:42

Konsa li te di: “Jésus, sonje mwen lè Ou antre nan wayòm Ou an!”