Lamantasyon 1:13 - Bib Sen An: Kreyòl Ayisyen

¹³ Soti anwo, Li te voye dife antre nan zo m, e lap dominen yo. Li te ouvri yon pèlen pou pye m; Li te fè m vire fè bak. Li te fè m vin dezole, fèb tout lajounen.

1998 Haïtienne

¹³ Li rete anwo, li voye dife sou mwen, yon dife ki boule tout andan mwen. Li tann pèlen pou mwen, li fè m' tonbe atè, li kite m' poukont mwen. M'ap kòde san rete anba soufrans.

Lamantasyon 1:13 Referans Kwoze

Jòb 18:8

Paske li tonbe nan pèlen an akoz pwòp pye li e li mache sou file a.

Jòb 19:6

alò, konnen byen ke Bondye te fè m tò, e te fèmen pèlen Li an antoure mwen.

Jòb 30:30

Chè m vin nwa sou mwen, li kale, e zo m yo brile ak lafyèv.

Sòm 129:5

Ke tout sila ki rayi Sion yo vin wont! Ke yo retounen fè bak menm.

Sòm 140:5

Ògeye yo fin ranje yon pèlen pou mwen. Avèk kòd, yo te ouvri yon pèlen bò wout la. Yo fin plase yon pyèj pou mwen. Tan

Sòm 22:14

Mwen vin vide tankou dlo. Tout zo m fin dejwente.

Sòm 31:10

Paske lavi m fin pase nèt ak gwo doulè m, ane mwen yo avèk soupi. Fòs mwen fin ale akoz inikite m. Kò mwen fin epwize.

Sòm 35:4

Kite sila k ap chache lavi m yo vin wont e dezonere. Kite sa yo ki anvizaje mal pou mwen Vire do fè bak plen imiliyasyon.

Sòm 38:8

Mwen pa kab santi anyen ankò. Mwen fin kraze nèt. Vwa m plenyen akoz kè m ajite.

Sòm 66:11

Ou te rale nou antre nan filè a. Ou te mete yon fado lou sou ren nou.

Egzòd 12:9

Pa manje anyen nan li ki pa kwit, ni ki bouyi avèk okenn dlo, men pito ki boukannen nan dife, ni tèt li, ni janm li yo ansanm avèk zantray li yo.

Ezayi 42:17

“Sila ki mete konfyans yo nan zidòl yo e ki di a imaj fonn yo: ‘Se nou menm ki dye pa nou’, va voye tounen pa dèyè e va vin wont nèt.

Jeremi 44:6

Akoz sa, kòlè Mwen ak mekontantman Mwen te vide e te brile nan vil Juda yo ak nan ri a Jérusalem yo, jiskaske yo vin detwi nèt e vin yon dezolasyon jis rive jodi a.’

Lamantasyon 1:22

Kite tout mechanste yo vini devan Ou. Konsa, aji avèk yo kon Ou te aji avè m nan, pou tout transgresyon mwen yo. Paske plent k ap sòti anndan m yo anpil e kè m vin fèb nèt.

Lamantasyon 3:11

Li te detounen tout chemen mwen yo e Li te chire mwen an mòso; Li te fè m vin dezole nèt.

Lamantasyon 5:17

Akoz sa, kè nou febli; akoz bagay sa yo, zye nou pa wè klè.

Ezekyèl 12:13

Anplis, Mwen va voye filè Mwen sou li e li va vin kenbe nan pèlen Mwen. Konsa, Mwen va mennen li Babylone, nan peyi a Kaldeyen yo. Men li p ap wè l; malgre sa, se la l ap mouri.

Ezekyèl 17:20

Filè Mwen an va kouvri li nèt e li va kenbe nan pèlen an. Epi Mwen va mennen li Babylone e antre nan jijman avèk li selon zak enfidèl ke li te komèt kont Mwen an.

Ezekyèl 32:3

Konsa pale Senyè BONDYE a: “Koulye a, Mwen va ouvri filè Mwen sou ou avèk konpanyen a anpil moun, e nan filè Mwen an, yo va fè ou leve.

Oze 7:12

Lè yo ale, Mwen va ouvri pèlen Mwen sou yo. Mwen va desann yo tankou zwazo syèl yo. Mwen va bay yo chatiman, jan kongregasyon yo a te tande a.

Nawoum 1:6

Se kilès ki ka kanpe devan gwo kòlè Li? Kilès ki ka sipòte chalè kòlè Li? Se tankou dife kòlè Li vide; Li menm ki fè wòch yo kraze an mòso.

Abakik 3:16

Mwen te tande, e zantray mwen te tranble. Lèv mwen te tranble ak son vwa a. Pouiti la lantre nan zo m, mwen te tranble sou plas, paske mwen oblije tann jou detrès la, byen kal, tan pèp la k ap leve vin anvayi nou.

Detewonòm 28:65

Pami nasyon sila yo, nou p ap twouve repo, ni p ap gen plas repo pou pla pye nou. Men la, SENYÈ a va bannou kè sote, zye ki febli ak nanm ki pèdi espwa.

2 Tesalonisyen 1:8

Konsa L a bay chatiman a sila ki pa konnen Bondye yo, e a sila ki pa obeyisan a levanjil Senyè Jésus nou a.

Ebre 12:29

Paske Bondye nou an se yon dife k ap devore.