Jeremi 50:32 - Bib Sen An: Kreyòl Ayisyen

³² Sila ki awogan an va glise tonbe, san pèsòn pou leve li; epi Mwen va mete dife nan vil li yo e li va devore tout andwa l yo.”

1998 Haïtienne

³² Peyi moun awogan sa yo pral tonbe. Pèsonn p'ap ka fè l kanpe ankò. M'ap mete dife nan tout lavil yo. Tout bagay alawonn pral boule.

Jeremi 50:32 Referans Kwoze

Sòm 119:78

Ke awogan yo kapab vin desi, paske yo desann mwen, ranvèse mwen ak manti. Men mwen va reflechi tout tan sou òdonans Ou yo.

Pwovèb 16:18

Ògèy ale devan destriksyon e yon lespri ògèy devan moun kap tonbe.

Pwovèb 18:12

Avan destriksyon, kè yon nonm plen ògèy; men imilite ale devan onè.

Jeremi 21:14

Mwen va pini nou selon rezilta zak nou yo, deklare SENYÈ a: “Epi Mwen va limen yon dife nan forè li ki va devore tout ozanviwon li.’”

Jeremi 49:27

Mwen va mete dife nan miray Damas lan e li va devore tou bèl palè Ben-hadad yo.

Jeremi 51:26

Yo p ap pran nan men ou, menm yon wòch pou fè kwen, ni yon wòch pou fondasyon yo, men ou va dezole jis pou tout tan,” deklare SENYÈ a.

Jeremi 51:64

Ou va di: ‘Se konsa Babylone va fonse desann pou l pa leve ankò, akoz malè ke Mwen va mennen sou li; epi yo va vin bouke nèt.’” Jiska prezan, sa se pawòl a Jérémie yo.

Danyèl 5:20

Men lè kè l te vin egzalte wo, lespri li te vin tèlman ògeye, ke li te aji ak awogans, li te depoze de twòn wayal li a, e glwa li a te rache soti nan men l.

Amòs 1:10

Akoz sa, Mwen va voye dife sou miray Tyr la, e li va devore sitadèl li yo.”

Amòs 1:12

Pou sa, Mwen va voye dife sou Théman, e li va devore tout sitadèl Botsra yo.”

Amòs 1:14

Pou sa, Mwen va sanble yon dife sou miray Rabba a. Li va devore sitadèl li yo nèt, nan mitan gwo kri lagè nan jou batay la, nan mitan siklòn nan jou tanpèt la.

Amòs 1:4

Pou sa, Mwen va voye dife sou kay Hazaël e li va devore sitadèl a Ben-Hadad yo.

Amòs 1:7

Pou sa, Mwen va voye dife sou miray Gaza a, epi li va devore sitadèl li yo nèt.

Amòs 2:2

Pou sa, Mwen va voye dife sou Moab e li va devore sitadèl Kérijoth yo. Moab va mouri nan mitan gwo zen, kri lagè ak son a twonpèt.

Amòs 2:5

Pou sa, Mwen va voye dife sou Juda, e li va devore palè a Jérusalem yo.”

Amòs 5:2

Li fin tonbe, li p ap leve ankò— Vyèj Israël la. Li kouche byen neglije sou tèren li; nanpwen moun ki pou leve l.

Detewonòm 32:22

Paske yon dife vin limen nan chalè Mwen, ki brile jis rive nan pati pi fon nan sejou lanmò yo. Li manje latè a avèk tout don li yo, e limen dife a nan fondasyon mòn yo.

Revelasyon 18:8

Pou rezon sa a, nan yon jou, fleyo li yo va vini; lapès, lapèn ak gwo grangou. E li va brile avèk dife, paske Senyè Bondye ki jije li a, pwisan.