Jeremi 18:20 - Bib Sen An: Kreyòl Ayisyen

²⁰ Èske se ak mal ke yon moun dwe rekonpanse pou sa ki bon? Paske se yon fòs yo fin fouye pou mwen. Sonje kijan mwen te kanpe devan Ou, pou pale sa ki bon pou yo menm, pou m ta ka fè kòlè Ou vire kite yo.

1998 Haïtienne

²⁰ Lè yon moun fè ou byen, eske se mal pou ou fè li? Yo fouye yon twou pou fè m tonbe ladan l. Chonje jan m te kanpe devan ou pou m te pale pou yo, pou m te mande ou pa fè kòlè sou yo.

Jeremi 18:20 Referans Kwoze

Jòb 6:27

Konsa, ou ta menm tire osò pou òfelen yo e fè twòk pou zanmi ou.

Sòm 106:23

Akoz sa, Li te di Li ta detwi yo, men se te Moïse ki te kanpe nan brèch la devan Li, pou detounen kòlè Li pou l pa t detwi yo.

Sòm 119:95

Mechan yo ap tann mwen pou detwi m. Se ak dilijans ke mwen konsidere temwayaj Ou yo.

Sòm 35:12

Yo remèt mwen mal pou byen, jiskaske gwo tristès antre nan nanm mwen.

Sòm 35:7

Paske san koz, yo te kache pèlen yo pou mwen. San koz, yo te fouye yon fòs pou nanm mwen.

Sòm 38:20

Sila ki remèt mal pou byen yo se lènmi m akoz mwen swiv sa ki bon.

Sòm 57:6

Yo te prepare yon gwo filè pou pa mwen yo; Nanm mwen koube ba. Yo te fouye yon fòs devan m. Yo te tonbe nan mitan li. Tan

Sòm 7:15

Li te fouye yon twou, kreve l nèt, e vin tonbe nan twou ke li te fè a.

Pwovèb 17:13

Pou sila ki remèt mal pou byen an, mal la p ap janm kite lakay li.

Pwovèb 26:27

Sila ki fouye fòs la va tonbe ladann, e sila ki woule wòch la, sou li menm l ap retounen.

Eklezyas 10:8

Sila ki fouye fè yon twou ka byen tonbe ladann, e yon sèpan ka mòde gèrye a ki kraze yon miray.

Jeremi 11:14

“Akoz sa, pa priye pou pèp sa a. Ni pa leve gwo kri oswa fè lapriyè pou yo; paske Mwen p ap koute yo lè yo rele Mwen akoz gwo dezas yo.

Jeremi 14:20

Nou konnen mechanste nou yo, O SENYÈ, inikite a papa zansèt nou yo, paske nou te peche kont Ou.

Jeremi 15:1

Alò, SENYÈ a te di mwen: “Menm si Moïse ak Samuel te kanpe devan M, kè M pa t ap avèk pèp sa a. Voye yo sòti nan prezans Mwen! Kite yo ale nèt!

Jeremi 17:18

Ke sila ki pèsekite mwen yo vin wont, men pou mwen menm, pa kite mwen vin wont; kite yo twouble nèt, men pa kite m vin twouble. Mennen sou yo yon jou gwo twoub. Detwi yo ak yon destriksyon ki doub!

Jeremi 18:19

Koute mwen, SENYÈ e, koute sa ke lènmi m yo ap di!

Jeremi 18:22

Pou yon gwo kri ka tande soti lakay yo lè sibitman, Ou mennen rive yon bann piyajè sou yo; paske yo te fouye yon fòs pou pran mwen, e te kache pèlen pou pye m.

Jeremi 27:18

Men si se pwofèt yo ye, e si pawòl SENYÈ a avèk yo, kite yo koulye a fè demann a SENYÈ dèzame yo, pou veso ki rete lakay SENYÈ yo, lakay wa Juda a ak Jérusalem yo pa ale Babylone.

Jeremi 5:26

Paske moun mechan twouve yo pami pèp Mwen an. Y ap veye tankou moun k ap pran bèt nan pèlen. Yo ranje pèlen an. Se moun yo pran.

Jeremi 7:16

“Pou ou menm, pa priye pou pèp sila a. Pa leve yon kri pou yo, ni entèsede avè M, paske Mwen pa tande ou.

Lamantasyon 3:59

O SENYÈ, Ou te wè jan m oprime. Jije ka m nan.

Jan 10:32

Jésus te reponn yo: “Mwen te montre nou anpil bon zèv ki te sòti nan Papa a. Pou kilès ladan yo n ap lapide M nan?”

Jan 15:25

“Men yo te fè sa pou pawòl la ta kapab akonpli ki te ekri nan Lalwa pa yo: ‘Yo te rayi Mwen san koz.’

1 Samyèl 19:4

Konsa, Jonathan te pale ak Saül, papa li, kèk bon pawòl sou David. Li te di li: “Pa kite wa a peche kont sèvitè li, David. Paske li menm pa t peche kont ou; akoz zèv pa li yo, li te ede ou anpil.