Jeremi 17:6 - Bib Sen An: Kreyòl Ayisyen

⁶ Paske li va tankou bwa raje nan dezè; li p ap janm wè lè bonè rive, men li va viv pami wòch savann nan dezè a, nan yon peyi sale, san moun ki rete ladann.

1998 Haïtienne

⁶ Y'ap tankou yon pyebwa kokobe nan yon savann dezole. Bon tan move tan, se va menmman parèyman. Yo p'ap janm wè zafè yo mache byen. Yo nan tè sale san dlo kote moun pa rete.

Jeremi 17:6 Referans Kwoze

2 Wa 7:2

Ofisye wayal la sou men a sila wa a te apiye a te reponn nonm Bondye a. Li te di: “Gade byen, menm si SENYÈ a ta fè fenèt nan syèl la, èske bagay sa a ta kab rive?” Konsa, Élisée te reponn: “Gade byen, ou va wè l ak pwòp zye pa w, men ou p ap manje ladann.”

Jòb 20:17

Li pa gade dlo yo ankò, ni rivyè ki koule yo ak siwo ak bòl lèt yo.

Jòb 39:6

ke Mwen te bay savann nan kon abitasyon li, ak tè sale a kon kote pou l rete a?

Sòm 1:4

Mechan yo pa konsa. Yo tankou pay ke van an pouse ale.

Sòm 107:34

Yon tè fètil vin tounen savann tè sale, akoz mechanste a sila ki rete ladann yo.

Sòm 92:7

Ke lè mechan yo te pouse tankou zèb la, e tout sa ki fè inikite t ap byen reyisi yo, se te pou yo ta kapab detwi jis pou tout tan.

Ezayi 1:30

Paske nou va tankou yon bwadchenn ak fèy ki fennen, oswa tankou yon jaden ki pa gen dlo menm.

Jeremi 29:32

Akoz sa, pale SENYÈ a: “Gade byen, Mwen prèt pou pini Schemaeja, Nechelamit lan, ak desandan li yo. Li p ap gen pèsòn k ap viv pami pèp sa a, ni li p ap wè bonte ke Mwen prèt pou fè pou pèp Mwen an,” deklare SENYÈ a: “akoz li te preche rebelyon kont SENYÈ a.”’”

Jeremi 48:6

Chape poul nou, sove lavi nou, pou nou ka tankou yon bayawonn nan dezè a.

Ezekyèl 47:11

Men marekaj li yo ak fòs li yo p ap geri; yo va rete sale.

Sofoni 2:9

Akoz sa, jan Mwen vivan an, deklare SENYÈ dèzame yo, Bondye Israël la, “Anverite, Moab va vin tankou Sodome e fis a Ammon yo tankou Gomorrhe— yon kote plen pikan, yon twou plen sèl, yon kote devaste nèt. Retay a pèp Mwen an va piyaje yo, e sila ki rete nan nasyon Mwen an, va eritye yo.”

Detewonòm 29:23

Tout teritwa li se souf avèk sèl, yon kote devaste kap brile nèt. Li pa simen menm, ni pwodwi anyen, li san zèb grandi ladann, tankou boulvèsman Sodome nan avèk Gomorrhe a. Li tankou Adma avèk Tseboïm ke SENYÈ a te boulvèse nan chalè Li avèk kòlè Li.

Jij 9:45

Abimélec te goumen kont vil la pandan tout jounen an. Li te kaptire vil la e te touye pèp ki te ladann yo. Konsa, li te kraze vil la e te simen sèl ladann.