Jenèz 48:11 - Bib Sen An: Kreyòl Ayisyen

¹¹ Israël te di a Joseph: “Mwen pa t janm sipoze ke m ta wè figi ou, e gade byen, Bondye kite mwen wè pitit ou yo tou.”

1998 Haïtienne

¹¹ Izrayèl di Jozèf konsa: — Mwen pat gen espwa wè figi ou ankò, men Bondye fè m wè ata pitit ou yo.

Jenèz 48:11 Referans Kwoze

Jenèz 37:33

Li te egzamine li e te di: “Se vètman fis mwen an. Yon bèt sovaj gen tan devore li. Joseph vrèman gen tan chire an mòso!”

Jenèz 37:35

Alò, tout fis li yo, ak tout fi li yo te leve pou konsole li, men li te refize konsole. Epi li te di: “Vrèman mwen va desann kote fis mwen an, kote sejou mò yo ak lamante pou fis mwen an.” Epi papa li te kriye pou li.

Jenèz 42:36

Papa yo, Jacob te di yo: “Nou fin fè m pèdi pitit mwen yo! Joseph pa la ankò, Siméon pa la ankò, e nou ta vle pran Benjamin. Tout bagay sa yo kont mwen.”

Jenèz 45:26

Yo te pale li, e yo te di li konsa: “Joseph toujou vivan! Vrèman, li se Gouvènè tout peyi Égypte la!” Men kè Jacob te febli. Li pa t kwè yo.

Jenèz 48:10

Alò, zye Israël yo te tèlman vin fèb akoz laj ke li pa t kapab wè. Epi Joseph te mennen yo toupre li, li te bo yo e li te anbrase yo.

Jenèz 48:12

Epi Joseph te mennen yo soti antre jenou li yo, e te bese ba avèk figi li jis atè.

Sòm 128:6

Wi, pou ou ka wè pitit a pitit ou yo! Ke lapè rete sou Israël!

Pwovèb 17:6

Pitit a pitit se kouwòn a granmoun, e glwa a fis yo se papa yo.

Efezyen 3:20

Koulye a, a Li menm ki kapab fè bokou, bokou plis, de tout sa ke nou mande oubyen panse, selon pouvwa ki travay anndan nou an,