Jenèz 4:20 - Bib Sen An: Kreyòl Ayisyen

²⁰ Ada te bay nesans a Jabal. Li te papa a tout sila ki te rete nan tant yo, e ki te okipe bèt yo.

1998 Haïtienne

²⁰ Se Ada ki manman Jabal. Jabal sa a, se li menm ki zansèt tout moun sa yo ki rete anba tant epi ki gade bèt.

Jenèz 4:20 Referans Kwoze

Ebre 11:9

Pa lafwa, li te viv kòm yon etranje nan peyi pwomès la, tankou se nan yon peyi etranje, e li te abite nan tant avèk Isaac ak Jacob, eritye ansanm a menm pwomès la.

Jan 8:44

“Nou se pitit a papa nou, dyab la. Epi nou vle fè volonte a papa nou. Li te yon asasen depi nan kòmansman, e li pa kanpe nan verite a, paske nanpwen verite nan li. Lè li manti, li manti pou kont li, paske se yon mantè li ye, epi papa a tout manti.

Jenèz 25:27

Lè gason sa yo te grandi, Ésaü te vin fò nan lachas, yon nonm ki fèt pou chan a. Men Jacob te yon nonm byen trankil, ki te viv nan tant.

Jenèz 4:21

Frè li a te rele Jubal. Li te papa a tout sila ki te jwe ap avèk shaloumo yo.

Jenèz 4:2

Ankò, li te bay nesans a frè li, Abel. Epi Abel se te yon bèje bann mouton, men Cain t ap laboure tè a.

Jenèz 4:19

Lémec te pran pou li de madanm: youn yo te rele Ada, e non a lòt la se te Tsilla.