Jenèz 18:2 - Bib Sen An: Kreyòl Ayisyen

² Lè li te leve zye li pou te gade, men twa mesye ki te kanpe anfas li. Lè li te wè yo li te kouri sòti nan pòt tant lan pou rankontre yo, e li te bese tèt li atè.

1998 Haïtienne

² Abraram leve je l, li rete konsa li wè twa mesye kanpe devan li toupre pyebwa yo. Wè li wè yo, li leve nan papòt la, li kouri al jwenn yo, li bese tèt li jouk atè pou l di yo bonjou.

Jenèz 18:2 Referans Kwoze

Ebre 13:2

Pa neglije byen resevwa etranje yo, paske pa fason sa a, kèk nan nou bay lojman menm a zanj, san nou pa konnen.

Jenèz 18:22

Alò, mesye yo te vire kite la, e te ale vè Sodome, pandan Abraham toujou kanpe devan SENYÈ a.

Jenèz 19:1

Alò, de zanj te vini Sodome nan aswè lè Lot te chita nan pòtay Sodome nan. Lè Lot te wè yo, li te leve pou rankontre yo. Li te bese ba avèk figi li atè.

Jij 13:3

Konsa, zanj SENYÈ a te parèt a fanm nan e te di li: “Gade byen, koulye a, ou esteril e ou pa janm fè pitit, men ou va vin ansent pou bay nesans a yon fis.

Jenèz 23:7

Abraham te leve e te bese devan moun yo nan peyi a, fis a Heth yo.

Jozye 5:13

Alò, li te rive ke lè Josué te toupre Jéricho, li te leve zye li anwo e te gade, vwala, yon nonm te kanpe anfas li avèk nepe li rale nan men l. Josué te pwoche l, e li te di li: “Èske ou pou nou oswa kont nou?”

Jenèz 44:14

Lè Juda avèk frè li yo te vini lakay Joseph, li te toujou la, e yo te tonbe atè devan li.

Jenèz 43:28

Yo te di: “Sèvitè ou a, papa nou toujou byen; li toujou vivan.” Yo te bese ba pou bay respè.

Jenèz 43:26

Lè Joseph te rive lakay li, yo te pote kado ki te nan men yo bò kote li nan kay la, e yo te bese atè devan li.

Jenèz 32:24

Konsa, Jacob te rete tout sèl, e yon nonm te vin lite avèk li jis rive granmmaten.

Jenèz 18:16

Alò, mesye yo te leve la e yo te gade pi ba vè Sodome; epi Abraham t ap mache avèk yo pou voye yo ale.

Rit 2:10

Alò, li te tonbe sou figi li e te bese ba atè. Li te di l: “Poukisa mwen jwenn favè nan zye w konsa, pou ou ta wè m, paske se yon etranje ke mwen ye?”

1 Pyè 4:9

Resevwa youn lòt lakay nou san plenyen.

Women 12:13

Kontribye pou bezwen a sen yo, e toujou pratike ospitalite.

2 Wa 2:15

Alò, lè fis a pwofèt ki te Jéricho yo te wè li, yo te di: “Lespri Élie a poze sou Élisée.” Epi yo te vin rankontre li e te bese yo menm atè devan li.

Jenèz 17:3

Abram te tonbe atè sou figi li. Bondye te pale avèk li, e te di:

Jenèz 18:3

Li te di: “SENYÈ mwen, si koulye a mwen vin twouve favè nan zye nou, souple, pa pase lwen sèvitè nou an.

Jenèz 24:63

Isaac te ale deyò pou fè meditasyon nan chan an nan aswè. Lè li te leve zye li pou gade, gade byen, chamo yo t ap vini.

Jenèz 23:12

Konsa, Abraham te bese devan pèp peyi a.

Jenèz 42:6

Alò, Joseph te an pouvwa nan peyi a. Se te li menm ki te vann a tout pèp nan peyi a. Epi frè a Joseph yo te vin bese ba devan li avèk figi yo atè.

Jenèz 48:12

Epi Joseph te mennen yo soti antre jenou li yo, e te bese ba avèk figi li jis atè.