Jenèz 11:30 - Bib Sen An: Kreyòl Ayisyen

³⁰ Saraï te esteril. Li pa t fè pitit.

1998 Haïtienne

³⁰ Sarayi pat gen pitit, li pat ka fè pitit.

Jenèz 11:30 Referans Kwoze

Lik 1:36

Epi veye byen, menm nan fanmi ou Elizabeth anplis gen tan vin ansent avèk yon fis nan vyeyès li, e li menm ki te rele esteril, koulye a, nan sizyèm mwa li.

Lik 1:7

Men yo pa t gen pitit, akoz Elizabeth te esteril, e yo toude te avanse nan laj.

Sòm 113:9

Li fè fanm steril la vin rete nan kay kon yon manman pitit ak kè kontan. Louwe SENYÈ a!

1 Samyèl 1:2

Li te gen de madanm: youn te rele Anne e lòt la te Peninna. Peninna te fè pitit, men Anne pa t fè pitit.

Jij 13:2

Te gen yon sèten nonm nan Tsorea nan fanmi Danit yo, ki te rele Manoach. Madanm li te esteril e li pa t janm fè pitit.

Jenèz 29:31

Alò, SENYÈ a te wè ke Léa te manke renmen, e Li te ouvri vant li, men Rachel te rete san pitit.

Jenèz 25:21

Isaac te priye a SENYÈ a anfavè madanm li, akoz li te esteril. Konsa, SENYÈ a te reponn li, e Rebecca, madanm li an te vin ansent.

Jenèz 11:31

Térach te pran Abram, fis li a, e Lot, fis Haran an, pitit a pitit li, ak Saraï, bèlfi li, madanm a Abram, fis li. Konsa, yo te kite Ur a Kaldeyen yo ansanm, pou yo ta kapab antre nan peyi Canaan an. Yo te ale jis rive Haran, e yo te rete la.

1 Samyèl 1:5

Men a Anne, li ta bay yon pòsyon doub, paske li te renmen Anne; men SENYÈ a te fèmen vant li.