Jenèz 1:6 - Bib Sen An: Kreyòl Ayisyen

⁶ Alò Bondye te di: “Ke vin gen yon gran espas nan mitan dlo yo, e ke li separe dlo avèk dlo”.

1998 Haïtienne

⁶ Bondye di ankò: Se pou gen yon vout nan mitan pou separe dlo a fè de.

Jenèz 1:6 Referans Kwoze

Jòb 37:18

Èske ou menm tou, ansanm avè L, ka ouvri syèl yo ki gen gran fòs tankou yon miwa metal ki fann nan dife?

Jeremi 51:15

“Sila ki te fè latè a ak fòs pouvwa Li a, ki te etabli lemonn ak sajès Li, e ak bon konprann Li, te etabli syèl yo.

Sòm 33:6

Avèk pawòl SENYÈ a syèl yo te fèt: pa souf a bouch Li, tout lame syèl yo.

Sòm 104:2

Li kouvri Li menm ak limyè kon yon manto. Ki ouvri syèl la tankou yon rido tant.

Sòm 33:9

Paske Li te pale e mond lan te fèt. Li te kòmande e li te kanpe fèm.

Sòm 148:4

Louwe Li, pi wo syèl yo, ak dlo ki anwo syèl yo.

Zakari 12:1

Pwofesi pawòl SENYÈ a konsènan Israël la. Konsa pale SENYÈ ki etann syèl yo a, ki poze fondasyon latè yo, e ki kreye lespri a lòm nan anndan l lan.

Sòm 19:1

Syèl yo ap pale glwa Bondye a. Jan yo tèlman gran deklare zèv men Li yo.

Jenèz 1:20

Alò Bondye te di: “Ke dlo yo vin ranpli avèk anpil kreyati vivan, e ke zwazo yo vole anwo tè a nan gran espas syèl yo.”

Jòb 26:13

Ak souf Li, li dekore syèl yo. Se men L ki te frennen sèpan ki t ap sove ale a.

Sòm 150:1

Louwe SENYÈ a! Louwe SENYÈ a nan sanktiyè Li a! Louwe Li nan gran espas syèl la pou tout zak pouvwa Li yo!

Jòb 37:11

Anplis, Li chaje vapè yo ak dlo e fè nwaj la vin lou; Li fè nwaj la gaye pou vide ekleraj Li.

Eklezyas 11:3

Si nwaj yo plen, yo vide lapli sou latè; epi si yon bwa tonbe vè sid, oswa vè nò, kote li tonbe a, se la l ap kouche.

Jenèz 1:14

Alò Bondye te di: “Ke vin gen limyè nan gran espas syèl yo pou separe jou avèk nwit lan, e ke yo vin kòm sign pou sezon yo, pou jou avèk lane yo;

Jeremi 10:10

Men SENYÈ a se vrè Bondye a; Li se Bondye vivan an e Wa etènèl la. Devan kòlè Li, tout latè tranble e nasyon yo p ap ka sipòte gwo kòlè Li a.

2 Pyè 3:5

Paske lè yo kalkile konsa a, sa vin chape de remak yo ke selon pawòl Bondye a, syèl yo te egziste depi lontan e latè te fòme avèk dlo e pa dlo.

Ezayi 40:22

Se Li menm ki chita anwo wonn tè a ki veye nou ki rete ladann tankou krikèt volan; ki lonje ouvri syèl yo tankou yon rido e fè yo deplwaye tankou yon tant pou moun viv ladann.

Sòm 19:2

Jou apre jou, l ap pale san rete; Nwit apre nwit, li revele konesans.