Jan 7:23 - Bib Sen An: Kreyòl Ayisyen

²³ Si yon moun resevwa sikonsizyon nan Saba a, pou anpeche lalwa Moïse la vyole, èske nou fache avè M akoz ke Mwen te fè yon moun geri nèt nan Saba a.

1998 Haïtienne

²³ Si nou ka sikonsi yon ti gason jou repo a pou n ka fè sa Lalwa Moyiz la mande a, pa gen rezon pou n ankòlè sou mwen si m geri yon moun ki te malad nan tout kò l, yon jou repo.

Nouvo Testaman: Vèsyon Kreyòl Fasil

²³ Konsa, nou travay nan jou repo a! Nou retire yon ti moso po nan sèks yon bebe jou repo a! Nou fè sa pou n evite vyole Lalwa Moyiz la! Alò, pou kisa nou leve kont mwen poutèt mwen geri yon nonm totalman nan jou repo a?

Jan 7:23 Referans Kwoze

Egzòd 31:14

“‘Pou sa, nou gen pou obsève Saba a, paske li sen pou nou. Tout sila ki vyole li yo va vrèman vin mete a lanmò. Paske nenpòt moun ki fè okenn travay nan li, moun sa a va koupe retire de pèp li yo.

Matye 12:10

Epi vwala, te gen yon mesye avèk yon men ki sèch. Farizyen yo te mande L: “Èske li pèmi pou geri nan jou Saba a?” Yo te mande sa a pou yo ta kapab akize Li.

Matye 12:2

Men lè Farizyen yo te wè sa, yo te di Li: “Gade, disip Ou yo fè sa ki pa pèmi nan yon jou Saba.”

Matye 12:5

Oubyen èske nou pa t li nan Lalwa a ke nan jou Saba a, prèt yo nan tanp lan te konn vyole Saba a men rete inosan?

Jan 5:10

Pou sa Jwif yo t ap di Li “Se jou Saba a. Li pa pèmi pou ou pote kabann ou konsa.”

Jan 7:21

Jésus te reponn yo e te di: “Mwen te fè yon sèl zèv, e nou tout etone.

Jan 9:16

Pou sa, kèk nan Farizyen yo t ap di: “Nonm sa a pa sòti nan Bondye, paske Li pa kenbe Saba a.” Men lòt t ap di: “Kijan yon mesye ki se yon pechè kapab fè tout mirak sa yo?” Epi te gen yon divizyon pami yo.