Jan 7:1 - Bib Sen An: Kreyòl Ayisyen

¹ Apre bagay sa yo, Jésus t ap mache nan Galilée. Li pa t dakò pou mache nan Judée pwiske Jwif yo t ap chache pou touye L.

1998 Haïtienne

¹ Apre sa, Jezi t'ap mache toupatou nan peyi Galile, li pat vle ale nan peyi Jide menm, paske jwif yo t'ap chache touye li.

Nouvo Testaman: Vèsyon Kreyòl Fasil

¹ Apre sa, Jezi te fè laviwonn teritwa Galile a. Li pa t vle ale nan peyi Jide, paske chèf Jwif yo t ap chache touye li.

Jan 7:1 Referans Kwoze

Matye 10:23

Men nenpòt lè ke yo pèsekite nou nan yon vil, sove ale nan yon lòt. Paske anverite Mwen di nou, nou p ap gen tan fin pase nan tout vil Israël yo, pou lè Fis a Lòm nan vini.

Matye 21:38

Men lè kiltivatè yo te wè fis la, yo te di pami yo, ‘Sa se eritye a. Vini, annou touye li epi sezi eritaj li a.’

Mak 11:18

Chèf prèt yo avèk skrib yo te tande, e yo te kòmanse ap chèche jan pou detwi Li. Paske yo te pè Li akoz tout foul la te etone pa prensip ke Li te bay yo.

Jan 1:19

E sa se temwayaj a Jean, lè Jwif yo te voye prèt yo avèk Levit yo pou mande l “Ki moun ou ye?”

Jan 4:3

li te kite Judée epi te pati ankò pou Galilée.

Jan 4:54

Sa se te ankò dezyèm sign ke Jésus te fè lè Li te kite Judée pou L antre nan Galilée.

Jan 6:1

Apre bagay sa yo, Jésus te ale lòtbò Lamè Galilée a (oubyen Tibériade).

Jan 7:11

Konsa, Jwif yo t ap chache pou Li nan fèt la e t ap di: “Kote Li ye?”

Jan 7:13

Malgre sa, pèsòn pa t pale ovètman konsènan Li, paske yo te pè Jwif yo.

Jan 7:19

“Èske Moïse pa t bay nou lalwa, men malgre sa, pa gen nan nou ki swiv lalwa? Poukisa nou ap chache touye M?”

Jan 7:25

Pou sa, kèk nan pèp Jérusalem la t ap di: “Se pa mesye sila a ke y ap chache touye a?

Jan 7:35

Pou sa Jwif yo te di youn ak lòt: “Kote mesye sa a prale pou nou p ap kab twouve L? Ou pa sipoze ke L ap prale nan dyaspora pami Grèk yo, pou l enstwi Grèk yo?

Jan 8:37

“Mwen konnen ke nou se pitit Abraham, men nou ap chache touye M, paske pawòl Mwen pa gen plas nan nou.

Jan 8:40

Men jan li ye a, nou ap chache pou touye M, yon nonm ki di nou laverite ke M te tande depi nan Bondye. “Sila a, Abraham pa t janm fè.

Travay 10:38

sou Jésus de Nazareth la, jan Bondye te bay li onksyon avèk Lespri Sen an, e avèk pwisans, Li te ale toupatou e t ap fè byen, jan Li te geri tout moun ki te oprime pa dyab la, paske Bondye te avè L.