Jan 11:44 - Bib Sen An: Kreyòl Ayisyen

⁴⁴ E sila ki te mouri an te sòti byen mare men ak pye yo avèk twal ki te vlope l, e yon twal ki te vlope figi li. Jésus te di yo: “Demare l epi lage l.”

1998 Haïtienne

⁴⁴ Mò a sòti, de pye l ak de men l yo tou mare ak bann twal, figi l tou vlope nan yon moso twal. Jezi di yo: — Demare l non, kite l ale.

Nouvo Testaman: Vèsyon Kreyòl Fasil

⁴⁴ Mò a soti, men l ak pye l te vlope ak bandaj twal, figi l te vlope ak mouchwa tou. Jezi di moun yo: “Lage l, libere l!”

Jan 11:44 Referans Kwoze

Jenèz 1:3

Alò Bondye te di: “Ke li gen limyè”. Epi te gen limyè.

Sòm 33:9

Paske Li te pale e mond lan te fèt. Li te kòmande e li te kanpe fèm.

Oze 13:14

Mwen va rachte yo soti anba pouvwa a Sejou mò yo; mwen va rachte yo soti anba lanmò. O lanmò! Kote pikan ou yo? O Sejou mò yo! Kote destriksyon ou an? Repantans va vin kache devan zye M.

Mak 5:43

Konsa, Li te bay yo yon lòd sevè ke pèsòn pa dwe tande afè sa a. Epi Li di yo pou bay tifi a yon bagay pou li manje.

Lik 19:20

“Yon lòt te vini e te di: ‘Mèt, men min ou an ke m te konsève nan yon mouchwa;

Lik 7:15

Moun mouri an te vin chita, e te kòmanse pale. Konsa, Jésus te remèt li bay manman l.

Jan 10:30

Mwen avèk Papa a se youn.”

Jan 11:39

Jésus te di: “Retire wòch la.” Marthe, sè mò a te di Li: “Senyè, pou lè sa, li va santi. Li la depi kat jou.”

Jan 11:43

Lè L fin te di bagay sa yo, Li te kriye avèk yon gwo vwa: “Lazare, sòti deyò.”

Jan 19:40

Konsa, yo te pran kò a Jésus, epi te vlope l avèk twal lèn avèk epis selon koutim lantèman a Jwif yo.

Jan 20:5

Lè l bese gade ladann, li te wè twal lèn yo atè a, men li pa t antre.

Jan 20:7

men twal pou figi ki te konn sou tèt Li a, pa t avèk lòt lèn yo, men te byen woule epi mete nan yon plas akote pou kont li.

Jan 5:21

Paske menm jan an ke Papa a leve mò yo pou bay yo lavi, menm jan an Fis la osi bay lavi a sa ke Li vle.

Jan 5:25

“Anverite, Anverite Mwen di nou ke lè ap vini e koulye a gen tan rive, lè mò yo tande vwa a Fis Bondye a. Epi sa yo ki tande ap viv.

Filipyen 3:21

ki va transfòme move kò sila a, pou l vin konfòme ak kò laglwa pa Li a. Li va fè sa pa egzèsis a pouvwa ke Li genyen pou soumèt tout bagay anba otorite pa L.

Revelasyon 1:18

e Sila ki viv la. Mwen te mouri, e gade, Mwen viv pou tout tan. Amen. Mwen gen kle Lanmò ak Sejou Lanmò yo.

1 Samyèl 2:6

“Se SENYÈ a ki detwi e ki fè viv. SENYÈ a rale desann nan sejou lanmò yo, e Li leve wo.