Jan 10:6 - Bib Sen An: Kreyòl Ayisyen

⁶ Kalite pawòl sa a, Jésus te sèvi pou pale avèk yo, men yo pa t konprann bagay sa yo ke Li t ap di yo.

1998 Haïtienne

⁶ Jezi di yo parabòl sa a, men yo pat konprann sa l te vle di yo.

Nouvo Testaman: Vèsyon Kreyòl Fasil

⁶ Jezi rakonte yo istwa sa a, men yo pa t konprann sa l t ap di yo a.

Jan 10:6 Referans Kwoze

Sòm 106:7

Papa zansèt nou yo an Égypte pa t konprann mèvèy Ou yo. Yo pa t sonje lamou dous Ou, men yo te fè rebèl bò lanmè a, nan Lanmè Wouj la.

Sòm 82:5

Yo pa konnen ni yo pa konprann. Yo mache toupatou nan fènwa. Tout fondasyon tè yo fin souke nèt.

Pwovèb 28:5

Moun mechan yo pa konprann lajistis; men sila ki chache SENYÈ yo konprann tout bagay.

Ezayi 56:11

Wi, chen yo voras. Yo pa janm jwenn asi. Se bèje yo ye san konprann. Yo tout vire tounen nan pwòp chemen pa yo, yo chak nan ranmase byen de tout katye.

Danyèl 12:10

Anpil moun va pirifye tèt yo, e fè tèt yo blan pou vin rafine, men mechan yo va aji ak mechanste. Konsa okenn nan mechan yo p ap konprann, men sila ki gen sajès yo va konprann.

Matye 13:34

Tout bagay sa yo, Jésus te pale a foul la an parabòl, epi Li pa t pale avèk yo san parabòl.

Matye 13:51

“Èske nou konprann tout bagay sa yo?” Yo reponn Li: “Wi”.

Mak 4:34

Li pa t pale avèk yo san parabòl; men Li t ap eksplike tout bagay an prive a disip Li yo.

Jan 16:25

“Bagay sa yo Mwen pale nou an parabòl. Lè a ap vini lè M p ap pale avèk nou ankò an parabòl, men M ap pale nou byen klè konsènan Papa a.

Jan 16:29

Disip Li yo te di: “Alò koulye a W ap pale klè. Ou p ap sèvi ak parabòl.

Jan 6:52

Pou sa Jwif yo te kòmanse diskite youn avèk lòt e te di: “Kijan moun sa kapab bay nou chè Li pou manje?”

Jan 6:60

Konsa, anpil nan disip Li yo lè yo te tande sa te di: “Pawòl sa a tèlman difisil. Ki moun ki ka tande sa?”

Jan 7:36

Kisa li t ap di la a: ‘Nou va chache M, e nou p ap twouve M; epi Kote Mwen ye, nou p ap kab vini’?”

Jan 8:27

Yo pa t konprann ke Li t ap pale avèk yo konsènan Papa a.

Jan 8:43

“Poukisa nou pa konprann sa ke M ap di a? Se paske nou pa kapab tande pawòl Mwen.

1 Korent 2:14

Men yon nonm nan eta natirèl li, pa aksepte bagay a Lespri Bondye yo, paske se foli yo ye pou li. Li pa kapab konprann yo, paske yo ka jije sèlman pa yon lespri k ap viv nan Bondye.

2 Pyè 2:22

Men sa ki vin rive a yo menm selon vrè pwovèb la: “Yon chen retounen a pwòp vomisman l” epi “gwo manman kochon an, lè l fin benye, li retounen woule kò l nan labou a.”

1 Jan 5:20

Nou konnen ke Fis Bondye a gen tan vini, e te bay nou konprann pou nou ta kapab konnen Li ki se vrè. Konsa, nou nan Li ki se vrè, nan Fis Li, Jésus Kri. Sa se vrè Bondye a epi lavi etènèl la.