Eklezyas 8:1 - Bib Sen An: Kreyòl Ayisyen

¹ Se kilès ki tankou nonm saj ki konnen sans a yon bagay? Sajès a yon nonm klere li e fè vizaj sevè li a vin briye.

1998 Haïtienne

¹ Se moun ki gen bon konprann ki konnen jan pou l bay esplikasyon. Lè yon moun gen bon konprann, sa fè kè l kontan, tout pli nan fwon l disparèt.

Eklezyas 8:1 Referans Kwoze

Travay 6:15

Konsa, yo tout nan konsèy la te fikse zye yo sou li, e yo te wè figi li tankou figi a yon zanj.

Detewonòm 28:50

yon nasyon, avèk figi fewòs, ki p ap gen respè pou ansyen yo, ni montre favè a jèn yo.

2 Pyè 1:20

Men konnen sa davans, ke nanpwen pwofesi nan lekriti sen an ki sijè a pwòp entèpretasyon prive.

2 Timote 4:17

Men Senyè a te kanpe avèk mwen e te ban m fòs pou pwoklamasyon an ta kapab fin akonpli nèt, e pou tout pèp etranje yo kapab tande. Se konsa, mwen te sove soti nan bouch a lyon an.

Travay 4:29

E koulye a, Senyè, byen gade menas ke yo fè, e kite sèvitè ki mare ak Ou yo pale pawòl Ou avèk tout konfyans,

Travay 4:13

Alò, lè yo te wè konfyans a Pierre avèk Jean, e te konprann ke yo pa t gen anpil edikasyon ni enstriksyon, yo te etone. Yo te rekonèt yo kon moun ki te avèk Jésus yo.

Pwovèb 17:24

Sajès se devan fas a sila ki gen bon konprann nan; men zye a moun ensanse yo chache jis rive nan tout pwent latè.

Jòb 33:23

“Si gen yon zanj pou ta entèsede pou li, se tankou youn nan yon milye, ki pou ta fè yon moun sonje sa k ap bon pou li,

Efezyen 6:19

Priye pou mwen, pou mo yo va bay a mwen menm, pou lè m ouvri bouch mwen, mwen kapab fè konnen avèk kouraj, mistè a levanjil la,

Matye 17:2

Konsa, Li te transfòme la devan yo. Figi Li te klere tankou solèy la, e vètman li te vin blanch tankou limyè.

Danyèl 2:47

Wa a te reponn Daniel. Li te di: “Anverite, Bondye ou a se yon Dye a tout dye yo, yon Senyè a wa yo, e youn ki devwale mistè yo; paske ou te vin gen kapasite pou revele mistè sila a.”

Pwovèb 24:5

Yon nonm saj byen fò, e yon nonm ak konesans ogmante pouvwa li.

Pwovèb 1:6

Pou konprann yon pwovèb ak mo kache, pawòl a saj yo avèk devinèt yo.

Jenèz 40:8

Epi yo te di li: “Nou te fè yon rèv, e nanpwen pèsòn pou entèprete li.” Alò, Joseph te di yo: “Èske entèpretasyon yo pa apatyen a Bondye? Di m istwa sa a, souple.”

Women 13:5

Konsa, li nesesè pou nou soumèt nou. Sa pa fèt sèlman akoz krent lakòlè a, men osi akoz bon konsyans pa nou.

Pwovèb 21:29

Moun mechan an afiche yon figi brav; men pou moun ladwati a, chemen li an sèten.

Egzòd 34:35

Fis Israël yo te wè figi Moïse, ke po figi li t ap briye. Alò, Moïse te remete vwal la sou figi li jis lè li te vin antre pou pale avèk SENYÈ a.

Pwovèb 12:8

Yon nonm ap twouve glwa selon entèlijans li; men sila ak panse pèvès la va meprize.

Danyèl 2:22

Se Li menm ki revele sekre pwofond yo. Li fè parèt sa ki nan tenèb yo, e se limyè a ki rete avè L.