Egzòd 23:7 - Bib Sen An: Kreyòl Ayisyen

⁷ Rete lwen yon fo pwosè, e pa touye inosan an oswa moun ki dwat la, paske Mwen p ap jistifye koupab la.

1998 Haïtienne

⁷ Evite fè manti sou moun pou akize yo. Moun inonsan ak moun ki nan dwa yo, piga nou fè touye yo, paske mwen p'ap padonnen moun ki fè bagay konsa.

Egzòd 23:7 Referans Kwoze

Jenèz 18:23

Abraham te vin pwoche, e te di L: “Èske Ou vrèman va fè disparèt moun dwat yo ansanm avèk mechan yo?

Jòb 22:23

Si ou retounen bò kote Toupwisan an, ou va restore, si ou retire inikite a byen lwen tant ou.

Sòm 119:29

Retire sou mwen fo chemen an e ban mwen gras nan lalwa Ou a.

Sòm 94:21

Yo vin reyini ansanm kont lavi moun dwat yo, e kondane inosan yo a lanmò.

Egzòd 20:13

Ou pa pou touye moun.

Egzòd 20:16

Ou pa pou fè fo temwayaj kont vwazen ou.

Egzòd 23:1

Ou pa pou pote yon fo rapò. Pa jwenn men ou avèk yon moun mechan pou devni yon move temwen.

Egzòd 34:7

ki kenbe lanmou dous pandan dè milye de jenerasyon, ki padone inikite, transgresyon ak peche; malgre sa li p ap kite koupab yo san pinisyon. L ap vizite inikite papa yo sou pitit yo, ak sou pitit a pitit yo jis rive nan twazyèm ak katriyèm jenerasyon.”

Pwovèb 11:21

Anverite, moun mechan an p ap chape anba pinisyon; men desandan a moun dwat yo va delivre.

Pwovèb 17:15

Sila ki bay rezon a mechan an, ni sila ki kondane moun dwat la; tou de abominab a SENYÈ a.

Ezayi 33:15

Sila ki mache nan ladwati a e ki pale ak kè sensè a? Sila ki refize benefis lajan ki sòti nan enjistis la, e ki souke men l pou sa ki vèse anba tab pa rete nan yo; sila ki bouche zòrèy li pou l pa menm tande afè vèse san, e ki fèmen zye l pou l pa gade mal.

Ezayi 5:20

Malè a sila ki rele mal la bon, ak bon nan mal; sila ki prezante tenèb la tankou limyè a, ak limyè a kon tenèb la; sila ki prezante sa ki anmè a kon dous, e sa ki dous kon anmè.

Levitik 19:11

“‘Nou pa pou vòlè, ni twonpe, ni manti youn ak lòt.

Levitik 19:16

“‘Nou pa pou mache bay kout lang pami pèp nou an. Nou pa pou fè zak kont lavi vwazen nou yo. Mwen se SENYÈ a.

Nawoum 1:3

SENYÈ a lan nan kòlè, e Li plen pwisans. Konsa, li byen si ke SENYÈ a p ap kite koupab la san pinisyon. Mwayen Li se nan toubiyon ak tanpèt, e nwaj yo se pousyè anba pye Li.

Lik 3:14

Konsa, kèk sòlda t ap mande li: “Epi kisa pou nou menm fè”? Li te di yo: “Pa pran lajan sou okenn moun pa lafòs, ni fè fo akizasyon kont pèsòn. Rete satisfè avèk salè nou.”

Women 1:18

Paske lakòlè Bondye parèt soti nan syèl la kont tout enkwayans ak tout enjistis a lòm ki kache verite a ak enjistis.

Efezyen 4:25

Pou sa, mete akote sa ki fo, e “pale verite a, nou chak avèk vwazen nou”, paske nou se manm a youn lòt.

Detewonòm 25:1

“Si gen yon konfli antre de mesye, epi yo ale devan tribinal lan pou jij yo deside ka yo, yo gen pou jistifye sila ki gen ladwati a, e kondane sila ki mechan an.

Detewonòm 27:25

‘Modi se sila ki aksepte lajan pou asasine yon moun inosan.’ Epi tout pèp la va di: ‘Amen’.

1 Tesalonisyen 5:22

e evite tout kalite mal.