Egzòd 13:15 - Bib Sen An: Kreyòl Ayisyen

¹⁵ Li te rive ke lè Farawon te fè tèt di sou afè kite nou ale a, ke SENYÈ a te touye chak premye ne ki te fèt nan peyi Égypte la, ni premye ne nan lòm, ni premye ne nan bèt. Pou sa, mwen fè sakrifis a SENYÈ a, mal yo; premye pòtre a chak vant, men premye ne nan fis mwen yo, mwen ransone yo.’

1998 Haïtienne

¹⁵ Senyè a te touye depi premye pitit gason moun peyi Lejip yo rive jouk premye mal bèt yo fè, paske farawon an t'ap fè tèt di, li pat vle kite nou ale. Se poutèt sa nou ofri bay Senyè a tout premye mal bèt nou yo fè, epi nou ofri lòt bagay pou achte lavi tout premye pitit gason nou yo nan men l.

Egzòd 13:15 Referans Kwoze

Sòm 105:36

Anplis, Li te frape touye tout premye ne nan peyi yo, premye fwi a fòs yo.

Egzòd 12:29

Alò li te vin rive nan minwi, SENYÈ a te frape tout premye ne nan peyi Égypte yo, depi premye ne a Farawon ki te chita sou twòn li an, jis rive nan premye ne nan kaptif ki te nan prizon yo, e menm tout premye ne nan bèt yo.

Egzòd 3:19

Men Mwen konnen ke wa Égypte la p ap kite nou ale, sof ke pa lafòs.

Egzòd 34:20

Ou va ransone avèk yon jenn mouton premye pòtre a yon bourik; epi si ou pa ransone li, alò, ou va kase kou li. Ou va ransone tout premye ne nan fis nou yo. Pèsòn pa pou parèt devan M men vid.

Egzòd 4:23

Epi Mwen te di ou: Kite fis Mwen an ale pou l kapab sèvi M, men ou te refize kite l ale. Gade byen, Mwen va touye fis ou a, premye ne pa w la.’”

Nonb 18:15

Tout premye pòtre nan vant a tout chè, kit se lòm, kit se bèt, ke yo ofri bay SENYÈ a, va pou nou. Men premye ne a lòm nan, nou va anverite peye ranson, e premye ne bèt ki pa pwòp, nou va peye ranson.

Nonb 3:46

Pou ranson a de-san-swasann-trèz (273) nan premye ne an Israël ki plis ke Levit yo,