Ebre 9:8 - Bib Sen An: Kreyòl Ayisyen

⁸ Lespri Sen an ap fè nou konnen sa a; ke chemen pou antre nan lye sen an poko fin revele, pandan tabènak deyò a toujou kanpe.

1998 Haïtienne

⁸ Avèk tout aranjman sa yo, Sentespri fè nou wè chemen ki pou mennen nou kote Bondye ye a poko louvri toutotan premye tant la kanpe toujou.

Nouvo Testaman: Vèsyon Kreyòl Fasil

⁸ Sentespri te sèvi ak de chanm pou fè nou konnen wout pou nou antre Kote ki pi Sen an pa t ko ouvè toutotan premye chanm nan te egziste.

Ebre 9:8 Referans Kwoze

Ezayi 63:11

Men konsa, Li a te vin sonje ansyen jou yo ak Moïse e pèp Li. Li te di “Kote Li, Sila ki te fè yo monte sòti nan lanmè ak bèje a bann mouton Li yo? Kote Li, Sila ki te mete Lespri Sen Li nan mitan yo a?”

Lik 1:80

Pitit la te kontinye grandi, e te vin fò nan lespri. Konsa, li te viv nan dezè yo jis jou li te parèt piblikman an Israël.

Jan 10:7

Pou sa, Jésus te di yo ankò, “Anverite, anverite, Mwen di nou, Mwen menm se pòt la pou mouton yo.

Jan 10:9

“Mwen se pòt la. Si nenpòt moun antre pa Mwen, li va sove e va antre, sòti pou twouve patiraj.

Jan 14:6

Jésus te di li: “Mwen se chemen, verite ak lavi a. Pèsòn p ap vini nan Papa a, sof ke pa Mwen.

Travay 28:25

Lè yo pa t dakò youn avèk lòt, yo te kòmanse pati lè Paul te fin pale dènye pawòl sila a: “Lespri Sen an te gen rezon lè l te pale atravè Ésaïe, pwofèt a zansèt nou yo,

Galat 3:8

Lekriti sen an, ki te prevwa ke Bondye ta jistifye pèp etranje yo pa lafwa, te preche levanjil la davans a Abraham. Konsa, li te di: “Tout nasyon yo va beni nan ou”.

Efezyen 2:18

Paske atravè Li menm, nou toulède gen aksè nan yon sèl Lespri a Papa a.

Ebre 10:15

Epi Lespri Sen an temwaye osi a nou menm. Paske apre Li te di:

Ebre 3:7

Konsa, jan Lespri Sen an di a: “Jodi a, si nou tande vwa Li,

Ebre 9:3

Andedan dezyèm vwal la, te gen yon tabènak ke yo te rele Sen de Sen yo.

2 Pyè 1:21

Paske okenn pwofesi pa t janm fèt pa volonte a moun, men lèzòm, dirije pa Lespri Sen an te pale pawòl yo ki te soti nan Bondye.