Ebre 13:1 - Bib Sen An: Kreyòl Ayisyen

¹ Kite lanmou pou frè yo kontinye.

1998 Haïtienne

¹ Se pou nou toujou yonn renmen lòt tankou frè k'ap viv ansanm nan Kris la.

Nouvo Testaman: Vèsyon Kreyòl Fasil

¹ Se pou nou kontinye renmen youn lòt tankou frè ak sè.

Ebre 13:1 Referans Kwoze

1 Jan 4:20

Si yon moun di ke li renmen Bondye, men li rayi frè l, li se yon mantè; paske yon moun ki pa renmen frè l ke li kapab wè, pa kapab renmen Bondye ke li pa janm wè.

1 Pyè 3:8

Anfen ke nou tout vin amikal, senpatik, fratènèl plen bon kè, e vin enb nan lespri.

1 Pyè 1:22

Akoz ke obeyisans a verite a te vin pirifye nanm nou pou yon lanmou sensè anvè frè nou yo, renmen youn lòt avèk yon chalè ki sòti nan kè,

2 Pyè 1:7

Anplis nan sentete nou, mete bonte fratènèl, e nan bonte fratènèl nou, mete lanmou.

1 Pyè 2:17

Onore tout moun. Renmen frè nou yo. Gen lakrent Bondye, onore wa a.

Ebre 10:24

Epi annou konsidere jan pou nou kapab ankouraje youn lòt nan lanmou ak bon zèv.

2 Tesalonisyen 1:3

Nou ta dwe toujou bay remèsiman a Bondye pou nou menm, frè m yo, nan jan sa merite a, paske lafwa nou gen tan grandi anpil, e lanmou a nou chak pou youn lòt ap grandi menm plis toujou.

1 Pyè 4:8

Anplis de tout bagay, rete fèm nan lanmou nou youn pou lòt, paske lanmou kouvri yon gran kantite peche.

Galat 5:22

Men fwi Lespri a se lanmou, lajwa, lapè, pasyans, ladousè, bonte, fidelite

Galat 5:13

Paske nou te rele pou libète, frè m yo. Sèlman pa fè libète nou an vin tounen yon opòtinite pou lachè, men selon lanmou, pou nou sèvi youn lòt.

Revelasyon 2:4

“Men Mwen gen sa kont nou, ke nou kite premye lanmou nou an.

1 Jan 3:23

Men sa se kòmandman Li, ke nou kwè nan non a Fis Li a, Jésus Kri, epi renmen yon lòt, kon Li te kòmande nou.

Galat 5:6

Paske nan Kris Jésus ni sikonsizyon, ni ensikonsizyon pa vle di anyen, men lafwa k ap aji atravè lanmou a.

Jan 15:17

“Sa Mwen kòmande nou, pou nou renmen youn a lòt.

Efezyen 5:2

Mache nan lanmou, jan Kris osi te renmen nou, e te bay tèt Li pou nou, kòm yon ofrann ak yon sakrifis a Bondye, kon yon pafen ki santi bon.

Efezyen 4:3

nan rete dilijan pou konsève linite Lespri a, e nan lyen lapè.

Travay 4:32

Tout nan gran foul a ki te kwè yo te vin yon sèl nan kè ak nanm. Pa t gen youn nan yo ki te gen byen ki te reklame pou pwòp tèt yo, men tout bagay te pou tout moun.

Travay 2:1

Lè jou Pannkòt la te rive, yo tout te ansanm nan yon sèl plas.

Sòm 133:1

Gade byen, a la bon e agreyab pou frè yo viv ak tèt ansanm!