Amòs 2:3 - Bib Sen An: Kreyòl Ayisyen

³ Anplis, Mwen va koupe retire jij la nan mitan yo, e touye tout prens li yo ansanm avè l,” di SENYÈ a.

1998 Haïtienne

³ M'ap touye chèf k'ap gouvènen nan mitan yo ansanm ak tout lòt chèf ki nan peyi a. Se Senyè a menm ki di sa.

Amòs 2:3 Referans Kwoze

Jòb 12:21

Li vide mepriz sou prens yo, e lache senti a pwisan yo.

Sòm 141:6

Jij pa yo fin jete a tè bò kote wòch yo. Yo va tande pawòl mwen yo, paske yo byen pale.

Sòm 2:10

Konsa, O wa yo, sèvi ak sajès. Fè atansyon, O jij sou latè yo.

Ezayi 40:23

Se Li menm ki redwi gwo chèf yo pou yo pa anyen, ki fè jij latè yo vin san sans.

Jeremi 48:25

Kòn Moab te fin koupe nèt e bra li te fin kase,” deklare SENYÈ a.

Jeremi 48:7

Paske akoz konfyans nou mete nan pwòp zèv nou ak trezò pa nou; menm nou menm va vin kaptire. Kemosch va antre an egzil ansanm ak prèt li yo ak prens li yo.

Amòs 5:12

Paske Mwen konnen transgresyon nou yo vin anpil e peche nou yo vin gran; nou menm ki boulvèse moun dwat yo, ki aksepte tout sa ki glise anba tab yo, e ki detounen malere a nan pòtay la.

Amòs 5:7

Nou menm ki fè jistis vin tounen lanvè, e ki jete ladwati rive jis atè yo,

Amòs 6:12

Èske cheval konn kouri sou wòch, oswa èske yo ka charye wòch yo ak bèf? Konsa, nou te fè Lajistis vin tounen pwazon e fwi ladwati vin anmè nèt.

Nonb 24:17

Mwen wè li, men pa koulye a. Mwen gade l, men pa toupre. Yon zetwal va sòti nan Jacob. Yon baton a wa va leve sòti an Israël. Li va kraze travèse fwon Moab la, e li va dechire tout fis a Seth yo.