2 Samyèl 4:7 - Bib Sen An: Kreyòl Ayisyen

⁷ Alò, lè yo te vin rive anndan kay la, pandan li te kouche sou kabann li nan chanm a dòmi li an, yo te frape li e te touye li. Yo te koupe tèt li e yo te vwayaje ak li nan chemen Araba a tout nwit lan.

1998 Haïtienne

⁷ Lè yo rive anndan, y'al nan pyès chanm kote Ichbochèt te kouche ap dòmi an, yo touye l. Lèfini, yo koupe tèt li, yo pran l, yo pati avè l. Yo pase nwit lan ap mache nan fon Jouden an.

2 Samyèl 4:7 Referans Kwoze

2 Samyèl 2:29

Alò, Abner avèk mesye pa li yo te mache nan dezè Araba a tout nwit lan. Yo te travèse Jourdain an, yo te mache tout maten an pou te vini Mahanaïm.

Egzòd 8:3

Nil lan va fòmante avèk krapo ki vin monte antre lakay ou, nan chanm dòmi ou, sou kabann ou, nan kay a sèvitè ou, sou pèp ou a, nan fou ou yo, ak nan veso pou fè pen yo.

Matye 14:11

Yo te pote tèt li sou yon plato e te bay fi a. Konsa, fi a te pote l bay manman l.

1 Samyèl 17:51

Alò David te kouri kanpe sou Filisten an e te pran pwòp nepe pa li a, li te rale l soti nan fouwo li, li te touye li e te koupe tèt li avè l. Lè Filisten yo te wè ke ewo pa yo a te mouri, yo te sove ale.

1 Samyèl 17:54

Alò, David te pran tèt Filisten an e te mennen li Jérusalem, men li te mete zam Goliath yo nan tant lan.

1 Samyèl 31:9

Yo te koupe tèt li e te retire zam li yo pou te voye yo toupatou nan peyi Filisten yo, pou pote bòn nouvèl la rive lakay zidòl pa yo ak pèp yo a.