2 Samyèl 23:14 - Bib Sen An: Kreyòl Ayisyen

¹⁴ Nan tan sa a, David te la nan fò a, pandan ganizon Filisten an te Bethléhem.

1998 Haïtienne

¹⁴ Lè sa a, David te nan ti fò a. Yon gwoup moun Filisti te pran lavil Betleyèm.

2 Samyèl 23:14 Referans Kwoze

Jenèz 35:19

Rachel te mouri e li te antere nan wout pou ale Éphrata a (sa vle di, Bethléem).

2 Samyèl 5:17

Lè Filisten yo te tande ke yo te onksyone David wa sou Israël, tout Filisten yo te monte pou chache jwenn David. Lè David te tande sa, li te desann nan fò a.

1 Kwonik 12:16

Konsa, kèk nan fis a Benjamin yo te vin rive nan fò a David la.

1 Samyèl 10:5

Apre, ou va vini nan ti mòn Bondye a kote ganizon lame Filisten an ye a. Konsa, li va fèt ke depi ou vini la, kote vil la, ou va rankontre yon gwoup pwofèt k ap desann soti nan plas anwo a avèk gita, tanbouren, flit ak bandyo devan yo, e yo va pwofetize.

1 Samyèl 13:23

Epi ekip post militè a Filisten yo te sòti rive nan pasaj Micmasch.

1 Samyèl 13:4

Tout Israël te tande nouvèl ke Saül te frape post a Filisten yo, e osi ke Israël te vin rayisab a Filisten yo. Konsa pèp la te resevwa lòd pou rasanble Guilgal.

1 Samyèl 14:6

Alò Jonathan te di a jennonm ki t ap pote zam li yo: “Vini pou nou travèse lòtbò vè anplasman militè a ensikonsi sila yo. Petèt, SENYÈ a va aji pou nou. Paske SENYÈ a pa anpeche delivre, menm si se anpil, menm si se kèk grenn.”

1 Samyèl 22:1

Konsa, David te kite la pou te chape rive nan kav Adullam nan. Epi lè frè li yo avèk tout lakay papa li te tande koze sa a, yo te desann bò kote li.

1 Samyèl 24:22

David te sèmante konsa a Saül, e Saül te ale lakay li. Men David avèk mesye pa li yo te monte nan fò a.