2 Samyèl 22:5 - Bib Sen An: Kreyòl Ayisyen

⁵ Paske volas lanmò te antoure mwen; gran flèv destriksyon yo te monte sou mwen nèt.

1998 Haïtienne

⁵ Lanmò te fin vlope m, mwen te pè lè m wè tout malè sa yo tonbe sou mwen.

2 Samyèl 22:5 Referans Kwoze

Jonas 2:3

Ou te jete mwen nan gwo pwofondè a, nan kè lanmè yo, e gwo kouran dlo a te vale mwen. Gwo lam lanmè ou yo ak gwo vag lanmè ou yo te pase sou mwen.

Revelasyon 17:15

“Ankò, li te di mwen: “Dlo ke ou te wè, kote pwostitiye a chita a, se pèp yo, foul yo, nasyon yo, ak lang yo.

Revelasyon 17:1

Youn nan sèt zanj ki te gen sèt gode yo te vini. Li te pale avè m e te di: “Vini isit la! Mwen va montre ou jijman a gran pwostitiye ki chita sou anpil dlo yo,

1 Tesalonisyen 5:3

Pandan y ap di “Lapè ak sekirite”, alò destriksyon va vini sou yo sibitman, tankou doulè a yon fanm k ap fè pitit. E yo p ap chape.

Ezayi 59:19

Akoz sa, yo va gen krent non SENYÈ a soti nan lwès e glwa Li soti kote solèy leve a; paske Li va vini tankou dlo ravin k ap desann byen rapid. Se van SENYÈ a kap pouse l.

Sòm 18:4

Kòd lanmò yo te antoure mwen. Flèv mal ki sòti nan peyi a mò yo te teworize m.

Lik 21:20

Men lè nou wè Jérusalem antoure pa lame, nan moman sa a, rekonèt ke dezolasyon li toupre.

Sòm 42:8

SENYÈ a va òdone lanmou dous Li a nan lajounen, chan Li yo va avèk mwen pandan nwit lan: Yon lapriyè a Bondye lavi mwen an.