2 Samyèl 16:4 - Bib Sen An: Kreyòl Ayisyen

⁴ Konsa, wa a te di a Tsiba: “Men vwala, tout sa ki apatyen a Méphiboscheth se pou ou.” Epi Tsiba te di: “Mwen vin bese devan ou nèt; kite mwen twouve gras nan zye ou, O mèt mwen, wa a!”

1998 Haïtienne

⁴ Wa a di Ziba konsa: — Depi jòdi a, tou sa ki te pou Mefibochèt se pou ou yo ye. Ziba reponn li: — Men mwen lage kò m nan pye ou, monwa. Mwen mande pou ou toujou kontan avè m.

2 Samyèl 16:4 Referans Kwoze

2 Samyèl 14:22

Joab te tonbe figi atè, kouche nèt e te beni wa a. Epi Joab te di: “Jodi a, sèvitè ou konnen ke li twouve favè nan zye ou, O mèt mwen, wa a, akoz wa a te akonpli demann lan a sèvitè li a.”

2 Samyèl 14:4

Alò, lè fanm a Tekoa a te pale a wa a, li te vin tonbe sou figi li e te kouche atè nèt, Li te di: “Sekou, O wa.”

2 Samyèl 14:8

Alò, wa a te di a fanm nan: “Ale lakay ou e mwen va bay lòd pou ou menm.”

2 Samyèl 16:3

Alò, wa a te di: “Epi kote fis a mèt ou a?” Epi Tsiba te di a wa a: “Men vwala, li rete Jérusalem paske li te di: ‘Jodi a, lakay Israël la va restore wayòm papa m nan a mwen menm.’”

2 Samyèl 16:5

Lè Wa David te rive Bachurim, gade byen, te sòti depi la yon mesye ki sòti nan fanmi Saül ki te rele Schimeï, fis a Guéra a. Li te parèt ak pawòl madichon san rete pandan li t ap pwoche.

2 Samyèl 19:27

Anplis, li te pale vye bagay a sèvitè ou a mèt mwen, wa a, men mèt mwen an, wa a, se tankou zanj Bondye a. Pou sa, fè sa ki bon nan zye ou.

2 Samyèl 9:6

Méphiboscheth, fis a Jonathan an, fis a Saül, te vini a David. Li te tonbe sou figi li bese atè nèt. Epi David te di: “Méphiboscheth?” Epi li te di: “Men mwen, sèvitè ou!”

2 Samyèl 9:9

Konsa, wa a te rele sèvitè a Saül la, Tsiba. Li te di li: “Tout sa ki te pou Saül ak pou lakay li yo, mwen te vin bay yo a gran pitit a mèt ou a.

Egzòd 23:8

Ou pa pou pran lajan anba tab, paske kòb anba tab ap avegle sila ki wè klè yo, e konwonpi kòz sila ki jis yo.

Pwovèb 18:13

Sila ki bay repons avan li koute a; plen foli ak wont.

Pwovèb 18:17

Premye moun pou plede ka li a, sanble gen rezon; jiskaske yon lòt moun vin egzamine l.

Pwovèb 19:2

Anplis, li pa bon pou gen gwo kouraj, san konesans, ni pou prese rive fè fo pa.

Detewonòm 19:15

“Yon sèl temwen pa kapab leve kont yon moun sou koz nenpòt inikite oswa peche ke li te fè. Sou temwayaj a de oswa twa temwen, yo kapab konfime yon ka.