2 Samyèl 15:12 - Bib Sen An: Kreyòl Ayisyen

¹² Epi Absalom te voye pou Achitophel, Gilonit lan, konseye David, soti nan vil pa li nan Guilo, pandan li t ap ofri sakrifis yo. Konplo a te fò, paske moun avèk Absalom yo te kontinye vin plis.

1998 Haïtienne

¹² Antan Absalon t'ap ofri bèt pou Senyè a, li voye lavil Gilo al chache Achitofèl ki te yonn nan konseye David yo. Konplo a t'ap pran fòs. Patizan Absalon yo t'ap vin pi plis.

2 Samyèl 15:12 Referans Kwoze

2 Samyèl 15:31

Alò, yon moun te pale David e te di: “Achitophel se pami konplotè avèk Absalom yo.” Epi David te di: “O SENYÈ, mwen priye, redwi a foli tout konsèy a Achitophel la.”

2 Samyèl 16:15

Alò, Absalom avèk tout pèp la, mesye Israël yo te antre Jérusalem e Achitophel avèk li.

2 Samyèl 17:14

Alò, Absalom avèk tout mesye Israël yo te di: “Konsèy Huschaï pi bon ke konsèy Achitophel la.” Paske SENYÈ a te deja detèmine pou anile bon konsèy Achitophel la, pou SENYÈ a ta kapab fè gwo dezas rive Absalom.

2 Samyèl 17:23

Alò, lè Achitophel te wè ke konsèy pa li a pa t swiv, li te sele bourik li e li te leve ale lakay li nan vil li a. Li te mete lakay li an lòd e te trangle pwòp tèt li. Konsa, li te mouri e te antere nan tonm a papa li.

2 Samyèl 23:34

Éliphéleth, fis a Achasbaï a, fis a Maakatyen an, Éliam, fis a Achitophel la nan Guillo Éliphéleth, fis a Achasbaï a nan Guillo.

1 Wa 21:12

Yo te pwoklame yon jèn e te fè Naboth chita sou tèt a pèp la.

1 Wa 21:9

Alò, nan lèt sa yo li te ekri e te di: “Pwoklame yon jèn e fè Naboth chita sou tèt a pèp la.

1 Kwonik 27:33

Achitophel te yon konseye a wa a e Huschaï, Akyen an, te zanmi a wa a.

Sòm 41:10

Men Ou menm, O SENYÈ, fè m gras e fè m leve pou m kab bay yo rekonpans yo.

Sòm 41:9

Menm zanmi ki te pre m nan, nan sila mwen te mete konfyans la, li ki te manje pen mwen, te leve talon li kont mwen.

Pwovèb 15:8

Sakrifis a mechan an abominab a SENYÈ a; men lapriyè moun dwat yo se gwo plezi Li.

Pwovèb 21:27

Sakrifis a mechan yo abominab; se konbyen anplis, lè l pote ak movèz fwa.

Jeremi 6:20

Paske kisa sa sèvi, lansan an ki rive kote Mwen sòti Séba, ak kann dous soti nan yon peyi lwen? Ofrann brile nou yo pa fè M plezi.”

Nonb 23:1

Alò, Balaam te di a Balak: “Bati sèt lotèl pou mwen isit la, e prepare sèt towo pou mwen isit la.”

Nonb 23:14

Konsa, li te pran li rive nan chan Tsophim nan, nan pwent Mòn Pigsa a. Li te bati sèt lotèl e li te ofri yon towo avèk yon belye sou chak lotèl.

Nonb 23:30

Balak te fè jan ke Balaam te di a, e li te ofri yon towo avèk yon belye sou chak lotèl.

Jan 13:18

“Se pa a nou tout ke M pale. Mwen konnen sila ke M te chwazi yo. Men se pou Lekriti sen yo kapab akonpli. ‘Sila ki manje pen Mwen an te leve talón li kont Mwen.’

Tit 1:16

Yo di yo konnen Bondye, men ak zèv pa yo, yo nye Li. Konsa, yo vin detestab, dezobeyisan, e san valè pou okenn bon zèv.

Jozye 15:51

Gosen, Holon, avèk Guilo, onz vil avèk bouk pa yo.