2 Samyèl 14:9 - Bib Sen An: Kreyòl Ayisyen

⁹ Fanm Tekoa a te di wa a: “O mèt mwen, wa a, inikite a sou mwen avèk lakay papa m; men kite wa a avèk twòn li an pa koupab.”

1998 Haïtienne

⁹ Fanm lavil Tekoa a di wa a konsa: — Monwa, nenpòt kisa w'a deside fè, si pou gen repwòch, y'a repwoche mwen menm ansanm ak fanmi pa m. Men, ou menm ak gouvènman ou, nou pa reskonsab anyen.

2 Samyèl 14:9 Referans Kwoze

Jenèz 27:13

Men manman li te di li: “Ke madichon ou tonbe sou mwen, fis mwen! Sèlman obeyi vwa m, e ale chache yo pou mwen.”

Jenèz 43:9

Mwen menm, mwen va garanti pou li. Ou kapab mete m responsab li. Si mwen pa mennen l tounen bò kote ou, pou m fè l chita devan ou, alò, ke mwen rete koupab devan ou pou tout tan.

2 Samyèl 14:10

Konsa, wa a te di: “Nenpòt moun ki pale avè w, mennen li bò kote m e li p ap touche ou ankò.”

2 Samyèl 14:8

Alò, wa a te di a fanm nan: “Ale lakay ou e mwen va bay lòd pou ou menm.”

1 Wa 2:33

Konsa, san yo va retounen sou tèt Joab avèk tèt desandan li yo pou tout tan. Men a David avèk desandan li yo, lakay li ak twòn li an, pou kapab gen lapè soti nan SENYÈ a pou tout tan.”

Nonb 35:33

“‘Alò, nou pa pou kontamine peyi kote nou rete a; paske san an va kontamine peyi a e nanpwen ekspiyasyon pou peyi pou san ki koule ladann, sof pa san a sila ki te fè vèse san an.

Matye 27:25

Tout pèp la te reponn e te di: “Kite san Li sou nou e sou Pitit nou yo!”

1 Samyèl 25:24

Li te tonbe nan pye li e te di: “Sou mwen sèl, mèt mwen, ke tò sa a vin tonbe. Epi souple, kite sèvant ou an pale avèk ou e koute pawòl a sèvant ou an.