2 Pyè 2:21 - Bib Sen An: Kreyòl Ayisyen

²¹ Paske li ta pi bon pou yo pa t konnen chemen ladwati a, olye yo vin konnen l, pou vire kite kòmandman sen ki te livre a yo menm nan.

1998 Haïtienne

²¹ Sa ta pi bon pou li si l pat janm konnen chemen dwat la, pase pou, lè li fin konnen l lan, li vire do bay kòmandman li te resevwa nan men Bondye a.

Nouvo Testaman: Vèsyon Kreyòl Fasil

²¹ Yo konnen bon chemen an, men yo vire do bay kòmandman Bondye yo te aprann yo. Nan ka sa a, li ta pi bon pou yo pa t janm konn chemen sa a.

2 Pyè 2:21 Referans Kwoze

Sòm 125:5

Men pou sila ki vire akote pou chemen kwochi pa yo, SENYÈ a va mennen yo sòti avèk sila ki fè inikite yo. Ke lapè rete sou Israël.

Sòm 85:8

Mwen va tande sa ke Bondye, SENYÈ a, va di. Paske La p pale lapè a pèp Li a, a fidèl Li yo, men pa kite yo retounen nan foli yo.

Pwovèb 12:28

Nan chemen ladwati se lavi; e nan wout li nanpwen lanmò.

Pwovèb 16:31

Yon tèt blanch se yon kouwòn laglwa; li jwenn nan chemen ladwati a.

Ezekyèl 18:24

“Men, lè yon nonm ladwati vire kite ladwati li a, komèt inikite e fè selon tout abominasyon ke yon nonm mechan konn fè, èske li va viv? Tout zèv ladwati ke li te konn fè yo, p ap sonje akoz trèt ke li te fè ak peche ke li te komèt la. Nan peche li ke li te peche a, li va mouri.

Ezekyèl 23:13

Mwen te wè ke li te souye tèt li. Yo toulède te pran menm wout la.

Ezekyèl 3:20

“Ankò, lè yon nonm ladwati ta vire kite ladwati pou komèt inikite e Mwen plase yon obstak devan l, li va mouri. Akoz ou pa t avèti li, li va mouri nan peche li e zèv ladwati ke li te konn fè yo, p ap sonje, men san li, mwen va egzije li nan men ou.

Ezekyèl 33:13

Lè Mwen di a nonm dwat la ke, anverite, li va viv la, e li tèlman kwè nan ladwati li pou li komèt inikite, okenn nan zèv dwat li yo p ap vin sonje; men nan menm inikite sa ke li te fè a, li va mouri.

Sofoni 1:6

sila ki te vire fè bak pou yo pa swiv SENYÈ yo, ak sila ki pa t ni chache ni mande pou SENYÈ a.”

Matye 21:32

Paske Jean te vini a nou menm nan chemen ladwati, men nou pa t kwè li; men kolektè kontribisyon yo avèk fanm movèz vi yo te kwè li.. Men nou menm ki te wè sa, nou pa t menm repanti lè l fin fèt pou nou ta kwè li.

Lik 12:47

“Alò esklav sa a ki te konnen volonte a mèt li a; men pa t prepare ni aji an akò avèk volonte l, va resevwa anpil kout fwèt.

Jan 15:22

“Si Mwen pa t vini pou pale avèk yo, yo pa t ap gen peche, men koulye a yo pa gen eskiz pou peche yo.

Jan 9:41

Jésus te reponn yo: “Si nou te avèg, nou pa t ap gen peche, men akoz ke nou di: ‘Nou wè’, peche nou la toujou.”

Women 7:12

Alò, konsa Lalwa a sen, e kòmandman an sen, jis e bon.

Galat 6:2

Pote fado youn pou lòt, e konsa lalwa Kris la akonpli.

1 Tesalonisyen 4:2

Paske nou konnen ki kòmandman nou te bannou yo pa otorite Senyè a Jésus.

1 Timote 6:14

pou ou kenbe kòmandman an san tach oubyen repwòch, jiska aparisyon Senyè nou an, Jésus Kri.

Ebre 10:26

Paske si nou kontinye nan peche volontèman aprè nou resevwa konesans verite a, p ap gen yon sakrifis pou peche ki rete ankò,

Jak 4:17

Alò a sila ki konnen bon bagay pou li fè a, men pa fè l, a li menm, se peche.

2 Pyè 3:2

pou nou kab sonje pawòl ki te pale oparavan pa pwofèt sen yo e kòmandman a Senyè ak Sovè a ki te pale pa apot nou yo.

Jid 1:3

Byeneme yo, pandan mwen t ap fè tout efò pou ekri nou selon delivrans ke nou pataje ansanm, mwen te sanse ke m te bezwen ekri nou epi plede avèk nou ke nou lite fò pou lafwa ki te delivre yon fwa pou tout a sen yo.