2 Kwonik 22:11 - Bib Sen An: Kreyòl Ayisyen

¹¹ Men Joschabeath, fi a wa a te pran fis a Achazia a e te rache li soti nan mitan fis a wa a ke yo t ap touye yo, e li te plase li avèk nouris li nan chanm dòmi an. Konsa, Joschabeath, fi a Wa Joram nan, madanm a Jehojada, prèt la (paske li te sè Achazia), te kache li pou Athalie pa t kab mete l a lanmò.

1998 Haïtienne

¹¹ Men, lè yo t'ap touye pitit wa yo, Jozabèt, pitit fi wa Joram lan, pran Joas, pitit gason Okozyas la, li sere l. Li kache l ansanm ak moun ki te sèvi l nouris la nan yon chanm kote moun dòmi nan Tanp lan. Se konsa, Jozabèt, pitit fi wa Joram lan, sè menm papa ak Okozyas, epi ki te madanm Jeojada, prèt la, te sere Joas san Atali pa konn sa, kifè li pat mouri tou.

2 Kwonik 22:11 Referans Kwoze

2 Samyèl 7:13

Li va bati yon kay pou non Mwen e Mwen va etabli twòn wayòm li a jis pou tout tan.

1 Wa 15:4

Men pou koz David, SENYÈ a, Bondye li a, te ba li yon lanp nan Jérusalem, pou fè leve monte fis li apre li, e pou etabli Jérusalem.

2 Wa 11:2

Men Yehoshéba, fi a Wa Joram nan, sè Achazia a, te pran Joas, fis a Achazia a e li te rachte li pami fis a wa ki t ap mete a lanmò yo, e li te plase li avèk fanm nouris pa li nan chanm dòmi an. Konsa, yo te kache li soti Athalie pou li pa t mete a lanmò.

2 Kwonik 21:7

Men SENYÈ a pa t vle detwi lakay David akoz akò ke Li te fè ak David la, e akoz Li te fè pwomès pou bay yon lanp pou li avèk fis li yo jis pou tout tan.

2 Kwonik 22:10

Alò lè Athalie, manman Achazia a, te wè ke fis li a te mouri, li te leve e te detwi tout pitit wa lakay Juda yo.

2 Kwonik 22:12

Li te kache yo lakay SENYÈ a pandan sizan pandan Athalie t ap renye sou peyi a.

2 Kwonik 23:1

Alò, nan setyèm ane, Jehojada te ranfòse tèt li, e te pran chèf a dè santèn yo: Azaria, fis a Obed la, Maaséja, fis a Adaja a ak Élischaphath, fis a Zicri a. Yo te antre nan yon akò avèk li.

Sòm 33:10

SENYÈ a ranvèse konsèy a nasyon yo. Li anile pwojè a pèp yo.

Sòm 76:10

Paske kòlè a lòm va bay Ou glwa. Se retay kòlè pa W, ki sispann fè mal.

Egzòd 8:3

Nil lan va fòmante avèk krapo ki vin monte antre lakay ou, nan chanm dòmi ou, sou kabann ou, nan kay a sèvitè ou, sou pèp ou a, nan fou ou yo, ak nan veso pou fè pen yo.

Pwovèb 21:30

Nanpwen sajès, ni bon konprann, ni konsèy kont SENYÈ a.

Ezayi 65:8

Konsa pale SENYÈ a; “Menm jan divin tounèf twouve nan yon grap rezen, e yon moun di, ‘pa detwi l, paske gen benefis ladann’: konsa Mwen va aji pou sèvitè ki pou Mwen yo, pou M pa detwi yo tout.

Travay 4:28

pou fè nenpòt bagay ke men Ou ak volonte Ou te deja planifye, pou fèt.