2 Kwonik 16:9 - Bib Sen An: Kreyòl Ayisyen

⁹ Paske zye a SENYÈ mache toupatou sou latè pou Li kapab bay soutyen ki fò a sila ki gen kè dedye a Li nèt yo. Nou te aji an foli nan afè sa a. Anverite, depi koulye a, nou va toujou gen gè.”

1998 Haïtienne

⁹ Senyè a ap veye tou sa k'ap pase sou latè. Li pa kite anyen chape pou l ka bay moun ki mete tout konfyans yo nan li fòs ak kouray. Men fwa sa a, ou resi pèdi tèt ou. Ou aji tankou moun fou. Se poutèt sa moun pral fè ou lagè san rete.

2 Kwonik 16:9 Referans Kwoze

1 Pyè 3:12

Paske zye a Senyè a sou moun ladwati yo, e zòrèy Li atantif a lapriyè yo; men lafas Bondye kont sila ki fè mal yo.”

Pwovèb 15:3

Zye a SENYÈ a tout kote; L ap veye sa ki bon ak sa ki mal.

Jeremi 16:17

Paske zye M sou tout chemen pa yo. Yo pa kache devan figi Mwen, ni inikite yo pa kache devan zye M.

Pwovèb 5:21

Paske chemen a yon nonm se devan zye a SENYÈ a, e Li veye tout pa li yo.

Sòm 34:15

Zye a SENYÈ a sou sila ki dwat yo. Zòrèy Li koute kri yo.

Jòb 34:21

“Paske zye Li sou chemen a yon nonm. Li wè tout pa li fè.

Ebre 4:13

Nanpwen kreyati ki kache devan zye Li, men tout bagay ouvri nèt e parèt toutouni devan zye a Sila ke nou oblije ran kont.

Zakari 4:10

Paske se kilès ki te meprize jou a ti bagay yo? Men sèt sila yo va rejwi lè yo wè liy a plòn an nan men Zorobabel. Sa yo se zye SENYÈ a k ap veye toupatou sou tout tè a.”

Jeremi 32:19

Gran an konsèy e pwisan an zèv, ki gen zye ki ouvri nan tout chemen a fis a lòm yo, ki rekonpanse tout moun selon chemen li, e selon fwi lan a zèv li;

2 Kwonik 6:20

pou zye Ou kapab ouvri vè kay sa a lajounen kon lannwit, vè plas sou sila Ou te di ke Ou ta mete non Ou la, pou koute lapriyè ke sèvitè Ou a va fè vè plas sa a.

Sòm 113:6

ki abese tèt Li pou gade tout bagay ki nan syèl yo ak sou latè yo?

Sòm 37:37

Byen remake nonm san tò a, epi gade byen nonm ladwati a, paske nonm lapè a va gen posterite.

Galat 3:1

O nou menm moun Galatie ensanse yo! Kilès ki gen tan mete wanga sou nou konsa, pou nou refize laverite a? Nou menm devan zye a kilès, Jésus Kri te piblikman prezante kòm krisifye a?

Lik 12:20

“Men Bondye te di l: ‘Alò nonm ensanse! Menm nwit sa a, nanm ou ap rachte de ou; e koulye a, kilès k ap mèt a sa ou prepare yo?’

1 Kwonik 21:8

David te di a Bondye: Mwen te peche anpil, pwiske mwen te fè bagay sa a. Men souple, koulye a, retire inikite a sèvitè Ou a, paske mwen te fè yon bagay byen sòt.”

2 Wa 20:3

“Sonje koulye a, O SENYÈ a, mwen sipliye Ou, jan mwen te mache devan Ou anverite avèk tout kè m nan, ak jan mwen te fè sa ki bon nan zye Ou a.” Epi Ézéchias te kriye byen anmè.

1 Samyèl 13:13

Samuel te di a Saül: “Ou te aji nan foli. Ou pa t kenbe kòmandman ke SENYÈ a te kòmande ou a. Paske SENYÈ a t ap vin etabli wayòm ou a sou Israël jis pou tout tan.

1 Wa 15:32

Te gen lagè antre Asa avèk Baescha, fis a Achija a pandan tout jou pa yo.

1 Korent 15:36

Moun sòt! Sa ke nou simen pa kapab vin gen lavi amwenske li mouri;

2 Kwonik 15:17

Men wo plas yo pat retire soti an Israël; sepandan, kè Asa te san repwòch pandan tout jou li yo.

Matye 5:22

Men Mwen di nou ke nenpòt moun ki fache avèk frè li, ap koupab devan tribinal. Epi nenpòt moun ki di: ‘Raka’ (pou ryen) ap koupab devan tribinal pi wo a, epi sila ki di: ‘enbesil’ ap koupab pou l antre nan lanfè.

Jeremi 5:21

‘Tande sa, O pèp ki plen foli, ki san konprann, ki gen zye, men ki pa ka wè, ki gen zòrèy, men ki pa tande.

2 Samyèl 24:10

Koulye a, kè David te vin twouble lè li te fin konte pèp la. Konsa, David te di a SENYÈ a: “Mwen te fè gwo peche nan sa mwen te fè a. Men koulye a, O SENYÈ, souple retire inikite a sèvitè Ou a, paske mwen te aji nan foli.”

2 Kwonik 16:10

Alò, Asa te fache avèk konseye a, e li te mete li nan prizon, paske li te anraje avèk li pou bagay sa a. Epi nan menm lè a, Asa te oprime kèk moun nan pèp la.

Jòb 31:4

Èske Li pa wè chemen mwen yo e kontwole tout pa mwen yo?

Sòm 33:15

Li menm ki fòme kè a yo tout, Li menm ki konprann tout zèv yo.

Jeremi 5:1

“Mache ale retou toupatou nan lari Jérusalem. Gade koulye a, e byen nòte. Chèche nan plas ouvri li yo. Si ou ka twouve yon moun ki fè jistis, k ap chache verite, alò Mwen va padone Jérusalem.

Jeremi 5:3

O SENYÈ, èske zye Ou pa chache verite? Ou te frape yo, men yo pa t sanse doulè. Ou te fè yo megri, men yo pa t aksepte korije. Yo fè figi yo pi di pase wòch. Yo refize repanti.

Jenèz 31:28

Ou pa t menm kite m bo fis mwen yo, ak fi mwen yo. Alò, ou gen tan fè betiz.

2 Kwonik 15:19

Epi pa t gen lagè ankò jis rive nan trann-senk ane règn a Asa a.

2 Kwonik 19:9

Li te pase lòd bay yo. Li te di: “Konsa nou va gen lakrent SENYÈ a, avèk fidelite e avèk tout kè.

Esdras 5:5

Men zye a Bondye pa yo te veye sou ansyen nan Jwif yo, e yo pa t fè yo sispann jiskaske yon rapò te sòti nan Darius, wa Perse la.

Jòb 28:24

“Paske Li chache jis rive nan dènye pwent latè e wè tout bagay anba syèl yo.

Sòm 33:14

Soti nan abitasyon Li an, Li veye sou tout sila ki rete sou latè yo.

Sòm 33:18

Veye byen, zye SENYÈ a sou sila ki krent Li yo, sou sila ki mete espwa yo nan lanmou dous Li a,

Ezayi 31:1

Malè a sila ki desann Égypte pou sekou yo, ki depann de cheval yo, ki fè konfyans a cha yo paske yo anpil, ak nan chevalye yo paske yo tèlman fò; men yo pa gade sou Sila Ki Sen an Israël la, ni chache SENYÈ a!