1 Wa 13:9 - Bib Sen An: Kreyòl Ayisyen

⁹ Paske se konsa li te kòmande mwen pa pawòl SENYÈ a e te di: ‘Ou pa pou manje okenn pen, ni bwè dlo, ni retounen pa chemen ke ou te vini an.’”

1998 Haïtienne

⁹ Paske, Senyè a te ban mwen lòd pou m pa ni manje ni bwè anyen, lèfini pou m pa pran menm chemen mwen te vini an pou m tounen lakay mwen.

1 Wa 13:9 Referans Kwoze

Women 16:17

Koulye a, frè mwen yo, mwen ankouraje nou pou toujou veye sou sila k ap koze e fè blokis ki kontrè a enstriksyon nou te resevwa a. Vire do nou ba yo menm.

Jan 15:14

“Nou se zanmi Mwen si nou fè sa ke Mwen kòmande nou.

Jan 13:17

Si nou konnen bagay sa yo, nou beni si nou fè yo.

Sòm 141:4

Pa mennen kè m vè okenn mal, pou pratike zèv mechan yo, avèk moun ki fè inikite yo. Ni pa kite mwen manje manje ki fèt pa yo.

Jòb 23:12

Mwen pa t kite kòmand a lèv Li yo. Mwen te kenbe pawòl a bouch Li kon pi presye pase manje ki fè m gen fòs la.

1 Wa 13:1

Alò, vwala, te vini yon nonm Bondye soti Juda rive Béthel pa pawòl SENYÈ a, pandan Jéroboam te kanpe akote lotèl la pou brile lansan an.

1 Samyèl 15:22

Samuel te di: “Èske SENYÈ a twouve menm fòs plezi nan ofrann brile yo avèk sakrifis yo ke li jwenn nan obeyi vwa SENYÈ a? Veye byen, obeyisans pi bon ke sakrifis e koute pase grès a belye yo.

Nonb 16:26

Li te pale avèk kongregasyon an. Li te di: “Kite tant a moun mechan sa yo, e pa touche anyen ki pou yo, sinon, nou va vin pote ale ak tout peche yo.”

Revelasyon 18:4

Mwen te tande yon lòt vwa soti nan syèl la ki t ap di: “Sòti kite li, pèp mwen an, pou nou pa patisipe nan peche li yo e resevwa fleyo li yo.

Efezyen 5:11

Pa patisipe nan zèv tenèb ki pa janm pote fwi yo, men de preferans ekspoze yo.

1 Korent 5:11

Men an reyalite, mwen te ekri nou pou nou pa asosye nou avèk nenpòt moun ke nou konn rele “frè” si li se yon moun imoral, oubyen ranpli ak lanvi, oubyen yon moun idolat, yon medizan, yon tafyatè, oubyen yon moun ki nan fwod——pou nou pa ta menm manje avèk yon moun konsa.

1 Wa 13:8

Men nonm Bondye a te di a wa a: “Menmsi ou te ban mwen menm mwatye kay ou, mwen pa t ap prale avèk ou, ni mwen pa t ap manje pen, ni bwè dlo nan plas sa a.

1 Wa 13:10

Pou sa, li te fè yon lòt chemen e li pa t retounen pa chemen ke li te vini Béthel la.

1 Wa 13:16

Li te di: “Mwen p ap kab retounen avèk ou, ni ale avèk ou, ni mwen p ap manje pen ni bwè dlo avèk ou nan plas sa a.

1 Wa 13:19

Konsa, li te retounen avèk li e te manje pen lakay li a e te bwè dlo.