1 Kwonik 21:24 - Bib Sen An: Kreyòl Ayisyen

²⁴ Men Wa David te di a Ornan: “Non, men anverite, mwen va achte li pou tout pri li. Paske mwen p ap pran sa ki pou ou pou SENYÈ a, ni ofri ofrann brile ki pa t koute mwen anyen.”

1998 Haïtienne

²⁴ Men wa David reponn Onan, li di l: — Non. Se achte m'ap achte. Se pou m peye ou sa yo vo. M pa ka ofri Senyè a sa ki pou ou. Mwen p'ap pran anyen ki pa koute m lajan pou m ofri bay Senyè a.

1 Kwonik 21:24 Referans Kwoze

Jenèz 14:23

ke mwen p ap pran menm yon fisèl oswa yon sandal, ni yon las, ni anyen ki pou ou, akoz laperèz ke ou ta di ‘se ou ki fè Abram vin rich’.

Jenèz 23:13

Li te pale a Ephron nan prezans tout pèp peyi a, e te di: “Silvouplè, si ou va sèlman koute mwen, mwen va bay pri a chan an. Aksepte li nan men m pou m kapab antere mò mwen an.”

Jenèz 23:9

ke li kapab ban mwen kav Macpéla ki pou li a, ki nan pwent chan li an. Pou tout pri ke li fò, ke li ban mwen li devan nou kòm yon lye antèman an.”

2 Samyèl 24:24

Sepandan, wa a te di a Aravna: “Non, men mwen va, anverite, achte li pou yon pri. Paske mwen p ap ofri ofrann brile bay SENYÈ a, Bondye mwen an ki pa koute m anyen.” Konsa, David te achte glasi a avèk bèf yo pou senkant sik ajan.

1 Kwonik 21:23

Ornan te di a David: “Pran li pou kont ou, epi kite mèt mwen an, wa a, fè sa ki bon nan zye l. Gade, mwen bay ou bèf yo pou ofrann brile a ak mas pilon, kon bwa ak ble kon ofrann sereyal la. M ap ba ou tout.”

1 Kwonik 21:25

Konsa David te bay Ornan sis-san sik an lò selon pwa li pou anplasman an.

Women 12:17

Pa janm remèt mal pou mal a pèsòn. Respekte sa ki bon nan zye a tout moun.