1 Kwonik 17:12 - Bib Sen An: Kreyòl Ayisyen

¹² Li va bati pou Mwen yon kay e mwen va etabli twòn li jis pou tout tan.

1998 Haïtienne

¹² Se li menm ki va bati yon tanp pou mwen, m'ap fè gouvènman l lan kanpe fèm pou tout tan.

1 Kwonik 17:12 Referans Kwoze

1 Wa 5:5

Gade byen, “Mwen gen entansyon bati yon kay pou non SENYÈ a, Bondye mwen an, jan SENYÈ a te pale a David la, papa m nan, kon Li te di: ‘Fis ou a, ke mwen va mete sou twòn pa w la, nan plas ou a, li va bati kay la pou non Mwen.’

1 Wa 8:19

Sepandan, ou p ap bati kay la, men fis ou ki va fèt a ou menm nan, li va bati kay la pou non Mwen.’

1 Kwonik 17:11

Lè jou yo acheve pou ou oblije ale jwenn zansèt ou yo, Mwen va plase youn nan desandan apre ou yo, ki va nan fis ou yo; epi Mwen va etabli wayòm pa li.

1 Kwonik 17:13

Mwen va papa li e li va fis Mwen. Mwen p ap retire lanmou dous Mwen sou li, tankou Mwen te retire li sou sila ki te avan ou an.

Esdras 5:11

Se konsa yo te reponn nou. Yo te di: “Nou se sèvitè a Bondye syèl la avèk tè a, e n ap rebati tanp ki te bati anpil ane pase yo, ke yon gran wa Israël te bati, e te fin acheve.

Sòm 72:17

Non li va dire jis pou tout tan. Non li va la toutotan solèy la ap briye a. Tout lezòm va beni pa li. Tout nasyon yo va rele li beni.

Sòm 89:29

Konsa, Mwen va etabli desandan li yo jis pou tout tan, e twòn li tankou jou syèl yo.

Sòm 89:4

‘Mwen va etabli jèm ou nèt e bati twòn Ou pandan tout jenerasyon yo.’” Tan

Sòm 89:5

Syèl yo va louwe mèvèy Ou yo, O SENYÈ, ansanm ak fidelite Ou nan asanble sen yo.

Ezayi 9:7

P ap gen fen nan gouvènman Li an ni p ap manke gen lapè sou twòn David la ak sou wayòm li an, pou etabli li e soutni l ak jistis avèk ladwati soti nan moman sa a jis rive pou tout tan. Zèl a SENYÈ dèzame yo va akonpli sa a.

Danyèl 2:44

“Nan jou a wa sila yo, Bondye syèl yo va etabli yon wayòm ki p ap janm detwi, e wayòm sa a p ap lese pou yon lòt pèp. Li va kraze e mete fen a tout wayòm sila yo, men li va, li menm dire pou tout tan.

1 Korent 15:25

Paske fòk li renye jiskaske Li mete tout lènmi Li yo anba pye Li.

Kolosyen 2:9

Paske nan Li menm tout aspè konplè a Bondye a egziste nan fòm a yon kò fizik.

Revelasyon 11:15

Answit, setyèm zanj lan te sone, epi te gen gwo vwa yo nan syèl la ki t ap di: “Wayòm mond sa a gen tan devni wayòm a Senyè nou an, ak Kris Li a. Li va renye pou tout tan e pou tout tan!”