1 Kwonik 16:26 - Bib Sen An: Kreyòl Ayisyen

²⁶ Paske tout dye a pèp yo se zidòl yo ye, men SENYÈ a te fè syèl yo.

1998 Haïtienne

²⁶ Bondye lòt nasyon yo pa anyen, se pòtre yo ye. Men, se Senyè a ki fè syèl la.

1 Kwonik 16:26 Referans Kwoze

Sòm 102:25

Depi tan ansyen yo, Ou te fonde latè, e syèl yo se zèv lamen Ou yo.

Levitik 19:4

“‘Pa vire vè zidòl yo, ni fè pou nou menm dye metal fonn yo. Mwen se SENYÈ a, Bondye nou an.

Ezayi 44:24

Konsa pale SENYÈ a, Redanmtè ou a e sila ki te fè ou soti nan vant la: “Mwen, SENYÈ a, se Kreyatè a tout bagay, Mwen te lonje ouvri syèl yo pou kont Mwen, e Mwen te lonje ouvri latè, Mwen sèl Mwen;

Ezayi 42:5

Konsa pale Bondye SENYÈ a ki te kreye syèl yo e ki tann yo, ki te fè latè vin laj ak tout sa ki viv ladann, ki bay souf a tout pèp ki vivan sou li, e lespri lavi a tout moun ki mache ladann,

Revelasyon 14:7

Konsa, li te di avèk yon vwa fò: “Gen lakrent pou Bondye, e ba Li glwa, paske lè jijman Li an gen tan vini. Adore Sila ki te fè syèl la, tè a, lanmè a, ak sous dlo yo.”

1 Korent 8:4

Konsa, konsènan manje bagay ki te ofri kon sakrifis a zidòl yo, nou konnen ke pa gen anyen vrèman kon zidòl nan mond lan, e ke pa gen okenn Dye sof ke yon sèl, Bondye.

Travay 19:26

Nou wè ak tande ke non sèlman an Éphèse, men nan prèske tout Asie a, Paul sila a gen tan fè kwè e detounen yon kantite konsiderab nan pèp la. L ap di ke dye ki fèt pa men yo se pa dye yo ye menm.

Ezayi 40:26

Leve zye nou anlè, e gade kilès ki te kreye zetwal sila yo; Sila ki mennen lame selès yo sòti pa chif yo. Li rele yo tout pa non yo. Akoz grandè a pwisans Li ak fòs pouvwa Li, nanpwen youn nan yo ki manke.

1 Kwonik 16:27

Tout richès avèk majeste devan Li. Lafòs ak lajwa lakay Li.

Sòm 96:5

Paske tout dye a pèp yo se zidòl, men SENYÈ a te fè syèl yo.

Jòb 9:8

Se Li menm sèl ki rale lonje syèl yo e bese vag lanmè yo.