1 Kwonik 16:10 - Bib Sen An: Kreyòl Ayisyen

¹⁰ Bay glwa a sen non Li. Kite kè a sila k ap chache SENYÈ a vin ranpli ak jwa.

1998 Haïtienne

¹⁰ Fè kè nou kontan, paske nou se moun pa l. Wi, se pou tout moun k'ap sèvi Senyè a fè fèt.

1 Kwonik 16:10 Referans Kwoze

Pwovèb 8:17

Mwen renmen sila ki renmen m yo. Sila ki chache mwen ak dilijans yo va jwenn mwen.

Sòm 34:2

Nanm mwen va fè glwa li nan SENYÈ a. Enb yo va tande l, e yo va rejwi.

Jeremi 29:13

Nou va chache Mwen e nou va jwenn Mwen lè nou chache M ak tout kè nou.

Ezayi 45:25

Nan SENYÈ a, tout desandan Israël yo va vin jistifye e va rejwi!

Ezayi 45:19

Mwen pa t pale an sekrè, nan yon peyi fènwa. Mwen pa t di a desandan Jacob yo, ‘Chache M anven.’ Mwen, SENYÈ a, pale ladwati. Mwen deklare sa ki dwat.”

1 Kwonik 28:9

“Epi pou ou menm, fis mwen an, Salomon, fè konesans a Bondye papa ou a e sèvi li avèk tout kè ou e avèk bòn volonte; paske SENYÈ a chache nan tout kè yo e byen konprann entansyon a tout panse yo. Si ou chache Li, Li va kite ou jwenn Li; men si ou abandone Li, Li va rejte ou jis pou tout tan.

1 Kwonik 16:9

Chante a Li menm. Chante lwanj a Li menm. Pale tout mèvèy Li yo.

1 Kwonik 16:11

Chache SENYÈ a avèk fòs Li. Chache figi Li san rete.

1 Kwonik 22:19

Alò, bay kè nou avèk nanm nou pou chache SENYÈ a, Bondye nou an. Konsa, leve pou bati sanktiyè SENYÈ a, Bondye a, pou nou kapab pote lach akò SENYÈ a avèk veso sakre Bondye yo antre nan kay ki va bati pou non a SENYÈ a.”

2 Kwonik 15:15

Tout Juda te rejwi akoz sèman an, paske yo te sèmante avèk tout kè yo. Yo te chache Li ak kè onèt yo, e Li te kite yo jwenn Li. Konsa, SENYÈ a te ba yo repo tout kote.

Sòm 22:27

Tout ekstremite tè a nèt va sonje. Yo va vire bò kote SENYÈ a. Konsa, tout fanmi nan nasyon yo va adore devan Ou.

Sòm 34:3

O leve SENYÈ a byen wo avè m. Annou leve non L wo ansanm.