1 Kwonik 10:7 - Bib Sen An: Kreyòl Ayisyen

⁷ Lè tout mesye Israël ki te nan vale yo, te wè ke yo te sove ale, e ke Saül avèk fis li yo te mouri, yo te sove ale kite vil yo. Epi Filisten yo te vin rete ladan yo.

1998 Haïtienne

⁷ Moun Izrayèl yo ki te rete nan fon an te wè sòlda pèp Izrayèl yo kouri, epi Sayil ak pitit gason li yo mouri. Lè sa a, yo leve kite vil kote yo rete yo epi yo met deyò. Moun Filisti yo vini, yo pran vil yo epi yo enstale yo la.

1 Kwonik 10:7 Referans Kwoze

1 Kwonik 10:6

Konsa, Saul te mouri avèk twa fis li yo, e tout lakay li te mouri ansanm.

1 Kwonik 10:8

Li te vin rive nan pwochen jou a, lè Filisten yo te vini pou depouye mò yo, ke yo te twouve Saül avèk fis li yo tonbe sou Mòn Guilboa a.

Levitik 26:31

Anplis, Mwen va kraze vil nou yo; Mwen va fè sanktyè nou yo vin dezè, e Mwen p ap dakò santi sant dous nou yo.

Levitik 26:36

“Pou sila nan nou ki kab toujou rete la yo, Mwen va osi pote feblès nan kè yo pandan yo nan peyi lènmi yo. Konsa, bwi a yon fèy k ap kouri nan van va fè kè yo sote, e menmlè pèsòn pa kouri dèyè yo, yo va sove ale tankou se devan nepe, e yo va tonbe.

Detewonòm 28:33

“Yon pèp nou pa menm konnen va vin manje pwodwi a tè nou yo ak tout travay nou yo. Nou p ap janm wè anyen sof ke oprime e kraze tout tan.

Detewonòm 28:43

“Etranje ki pami nou an, va leve pi wo e pi wo ke nou, men nou va desann piba, e piba.

Jij 6:2

Pouvwa Madian nan te domine kont Israël. Akoz Madian, fis Israël yo te fè pou yo menm kavo ki te nan mòn ak gwòt avèk sitadèl avèk wòch.

1 Samyèl 13:6

Lè mesye Israël yo te vin wè ke yo te kwense (paske moun yo te vini sou yo anpil); alò, pèp la te kache kò yo nan gwòt yo, nan raje a, nan falèz yo, nan chanm anba tè yo ak nan sitèn yo.

1 Samyèl 31:7

Lè mesye Israël ki te lòtbò vale a avèk sila ki te lòtbò Jourdain an, te wè ke mesye Israël yo te sove ale e ke Saül avèk fis li yo te mouri, yo te abandone vil yo e te sove ale. Konsa, Filisten yo te vin viv ladan yo.