TITƏ 2:3 - Bible sar

³ Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə.

Bibəl ta Sar̄

³ Əda dəyá̰ kə́ tɔgə ɓə́ga gə̄ ō, ādə̄ nin̄-rāān̄ háĺ kə́ nel̄ Nə́ɓā ō. Ādə̄ tāmə̄n̄ kə de gēé aĺ ō, rāān̄ ɓəlo kasə aĺ ō. Ādə̄ ndóōn̄ de gə̄ loo rāā yá̰á̰ kə́ majə.

TITƏ 2:3 Referans Kwoze

TITƏ 2:4

Ādə̄ ndóōn̄ dəyá̰ kə́ na̰y mandə ɓáý gə̄ loo tár ngaadə́ gə̄ ō, ngáńdə́ gə̄ ō,

1 TIMOTE 3:11

Yā dəyá̰ gə̄ i tītə̄ ń noō ō, ādə̄ nin̄ i dəyá̰ gə̄ kə́ de gə̄ ɓōlə́n̄ ndíĺdə́ ō, nin̄ i ngé tām̄ kə de gēé aĺ ō, ngé kəhɔ rɔ̄də́ dɔ yá̰á̰ tə́ gə̄ ō, ādə̄ nin̄ i ngé ra dɔ ndūdə́ tə́ gə̄ tū yá̰a̰ gə̄ tə́ malang ō.

TITƏ 1:7

Nge kɔr no ngé kán̄ naā gə̄ ń i de kə́ əndān̄ dɔn tə́ kadə̄ əndā kumən gír yá̰a̰ gə̄ yā Nə́ɓā tə́ ní, majə kadə̄ ni i de kə́ najə̄ gətóo dɔn tə́. Adə̄ ni i de kə́ nge kídə̄ deē aĺ ō, nge wōn̄g aĺ ō, nge ka̰ȳ yá̰a̰ aĺ ō, de kə́ nge sāā nar kə ta róbə́ kə́ gō tə́ aĺ aĺ ō.

1 TIMOTE 3:8

Ngé rāā kəla nə̄ɓō yá̰a̰ gə̄ ní, yādə́ i tītə̄ ń noō ō. Ādə̄ nin̄ i de gə̄ kə́ de gə̄ rɔȳn̄də́ gə̄ ō, nin̄ i ngé míndə jōó aĺ gə̄ ō, ngé ka̰ȳ kasə ngá̰ý gə̄ aĺ ō, ngé sāā kənge yá̰a̰ kə ta róbə́ kə́ gō tə́ aĺ gə̄ alé ō.

Makətūbə̄ ń Pol ndang adə̄ Rom gə̄ ní 16:2

Ə́hɔīin̄ kə̄ rɔ̄sí tə́ kə rī Kɔ́ɔ̄ɓēé tītə̄ ń majə kadə̄ de gə̄ yā Nə́ɓā rāān̄neé kə naá ní. Ré i yá̰á̰ kógə̄ḿ n tōr̄ rɔ̄n anī, ī-rāāī seneé. Tɔdɔ̄ ni-rāā kə de gēé ngá̰ý ō, rāā seḿ mə̄kɔ́ ō.

EPEJƏ 5:3

Sḭḭ̄ i dan de gə̄ yā Nə́ɓā tə́, adə̄ majə kadə̄ sāā naā loo kaya tə́, aláa gíŕ yá̰á̰ kə́ yḛr kə́ tayā tayā gə̄, aláa kum sə̄ngā yá̰á̰ ní, i kə́ yā kəda rī dɔ dansí tə́ alé.

JEJU TEĒ KUM JA̰A̰ 2:20

Banī yá̰á̰ ń m̄-mbātə́ gōí tə́ ní, i kəya̰ ń ə́ya̰ Jesabel ní. Ni i dəyá̰ ń əda na ni na i *nge koō ta banī ni i nge rāā kadə̄ ngé kəla yāḿ gə̄ ndúmə̄n̄ ní, tɔdɔ̄ ni-ndóōdə́ rāā ájə́ba kə́ yā ndɔ̄yń ɓesə̄ ō, kəsa dā̰ kə́ tɔ̄l̄ ba tun̄ kadə̄ ɓesə̄ gə̄ ō.

HEBƏRO 5:12

Dan i ngá̰ý kɔ̄ɔ́ adə̄ majə kadə̄ sḭḭ̄ i ngé ndóō de gə̄ yá̰a̰ tā, banī ī-sāāī kadə̄ téĺ ndóōn̄sí yá̰á̰ ndóō kə́ ta kəga dɔ gə̄ kə́ tū najə̄ yā Nə́ɓā ɓáý to̰. Āwī bátə́ ī-sāāī mba yā ka̰ȳ, ba i yá̰á̰ kəsa kə́ ngan̄g yā kəsa alé.

1 TIMOTE 5:23

Ī-lōō ka̰ȳ man̄ ngóy, banī ā̰ȳ kasə *nduú sḛ́ý, tām̄ yā mo̰y kə́ kemií tə́ ń a njə́ɓāī dejə ní.

Makətūbə̄ ń Pol ndang adə̄ Rom gə̄ ní 1:29

Kemdə́ i yá̰a̰ malang kə́ gō tə́ aĺ gə̄, kə yá̰á̰ kə́ majaĺ gə̄, kə ndə̄ngā yá̰a̰ yā naā gə̄, kə kem ndul gə̄, kə rāā nii gə̄, kə ngur tɔ̄l̄ naā gə̄, kə kɔ̄l̄ gə̄, kə gól̄ loo gə̄, kə háĺ kə́ majaĺ gə̄. Nin̄ i ngé haalo gə̄ ō,