TƏ́DA 9:16 - Bible sar

¹⁶ To i tītə̄ ń noō kə ndɔ̄ gə̄: Kadaá anī kil̄ man̄ utə̄ dɔ kújə́ ní, ba ndɔ̄ɔ́ anī unjə̄ tītə̄ hor beé.

Bibəl ta Sar̄

¹⁶ To i tītə̄ ń noō kə ndɔ̄ gə̄: Kadaá anī kil̄ man̄ utə̄ dɔ kújə́ ní, ba ndɔ̄ɔ́ anī unjə̄ tītə̄ hor beé.

TƏ́DA 9:16 Referans Kwoze

NEHEMI 9:12

Ɔ́r no gír deē yāí gə̄ kadaá i kə kil̄ man̄ kə́ ra kə ngālāá ɓururu ō, ndɔ̄ɔ́ anī i kə hor kə́ ra kə ngālāá ɓururu kadə̄ a̰a̰n̄neé loo dɔ róbə́ n njə̄rādə́ tū tə́ ní tə́ ō.

JEJU TEĒ KUM JA̰A̰ 21:3

Gō tə́ anī, m-ōō ndū deē kógə̄ḿ teē tū kōr̄ kāgə̄ mbang tə́, əda na: Loo ń Nə́ɓā ndi tū tə́ kə de gēé ní n toó. Ni a ndi sedə́. Nin̄ i gír deē yān gə̄ ō, ni i Nə́ɓā ń ndi sedə́ ní ō.

2 KORḚNTƏ 5:19

Tɔdɔ̄ kété Nə́ɓā rāā kəla kə ta kūl̄ Kərist, əndāń de gə̄ malang naā tə́ seneé, kanjə̄ kəhɔ gíŕ yá̰á̰ kə́ gō tə́ aĺ gə̄ ń nin̄-rāān̄ ní. Ba kəla kəndā de gə̄ naā tə́ seneé ngeé ń toō ní, ni-əndā kəla kəda de gə̄ najə̄n dɔjí tə́.

1 KORḚNTƏ 10:1

Ngákó̰ó̰ḿ gə̄, m̄-gḛy kadə̄ ī-ndiī kanjə̄ ger̄ yá̰á̰ ń rāā kaají gə̄ kété ní alé. Nin̄ malang ní ndin̄ gír kil̄ man̄ tə́ ō, gāngə̄n̄ bā bo ō.

PĀ GƏ̄ 105:39

Ni utə̄ dɔdə́ kə kil̄ maná ō, adə̄də́ hor kógə̄ḿ adə̄ a̰a̰n̄neé loo ndɔ̄ɔ́ ō.

PĀ GƏ̄ 78:14

Kadaá anī ni ɔrdə́ ta róbə kə kil̄ maná ō, ndɔ̄ɔ́ anī ɔrdə́ ta róbə kə hor kógə̄ḿ kə́ unjə̄ kow ō.

NEHEMI 9:19

Banī kumií o̰o̰ī ngá̰ý adə̄ ə́yá̰də́ kɔ̄ɔ́ kem dəla loo tə́ alé. Kil̄ man̄ kə́ ra kə ngālāá ɓururu ń a ɔjədə́ róbə kadaá ní ɔr̄ rɔ̄n kɔ̄ɔ́ rɔ̄də́ tə́ aĺ ō, hor kə́ ra kə ngālāá ɓururu ń a a̰a̰n̄neé loo dɔ róbə́ njə̄rādə́ tə́ ní ɔr̄ rɔ̄n kɔ̄ɔ́ rɔ̄də́ tə́ aĺ ō.

NDŪ NAJƏ̄ 1:33

Tá i ni n i nge njə̄rā kété nosí tə́ yā sāań loo kə́ yā kadə̄ ī-ndiī tū tə́ ní. Ndɔ̄ɔ́ anī ni i sesí kum hor kə́ ra kə ngālāá ɓururu ń kadə̄ á̰a̰īń loo dɔ róbə́ ń ī-njə̄rāī tū tə́ ní tə́ ō, kadaá anī ni i sesí tū kil̄ man̄ kə́ ra kə ngālāá ɓururu tə́ ō.

Teē Ngán Israel gə̄ 40:38

Tɔdɔ̄ kadaá anī kil̄ man̄ yā Kɔ́ɔ̄ɓē i dɔ kújə ndin tə́, ba ndɔ̄ɔ́ anī hor i tū kil̄ man̄ ní tə́, adə̄ ngán *Israel gə̄ malang a̰a̰n̄. Yá̰á̰ ní to i tītə̄ ń noō bátə́ kadə̄ gír njə̄rā mbā yādə́ gāngəń.

Teē Ngán Israel gə̄ 40:34

Kil̄ man̄ reē utə̄ dɔ kújə kənge naā malang ō, *kɔsə gɔn yā Kɔ́ɔ̄ɓē reē taā kem kújə yān malang ō.