TƏ́DA 5:9 - Bible sar

⁹ Yá̰a̰ malang ń ngán *Israel gə̄ a ndējə̄n̄ Kɔ́ɔ̄ɓē ní i yā *nge tun̄ yá̰a̰.

Bibəl ta Sar̄

⁹ Yá̰a̰ malang ń ngán Israel gə̄ a ndējə̄n̄ Kɔ́ɔ̄ɓē ní i yā nge tun̄ yá̰a̰.

TƏ́DA 5:9 Referans Kwoze

TƏ́DA 18:19

Adə̄ dɔ yá̰á̰ kə́ táĺ gə̄ malang ń ngán *Israel gə̄ ɔr̄ adə̄mə̄n̄ ní, m̄-téləń m-ādī ḭ̄ ō, ngání kə́ dəngam gə̄ ō, kə́ dəyá̰ gə̄ ō, kə ndū kə́ a to ngándáńg. Nge ń noō i *madə̄ naā kə́ rāā kə katāá ō, kə́ a to ngándáńg tām̄ yāí tə́ ō, tām̄ yā ngání gə̄ tə́ ō, ngán kaaí gə̄ tə́ ō, ta kum Kɔ́ɔ̄ɓē tə́.

Teē Ngán Israel gə̄ 29:28

I tām̄ najə̄ ń noō tə́ n ngán *Israel gə̄ a ɔrə̄n̄neé loo gə̄ ń noō tū dā̰ gə̄ ń a tɔ̄lə̄n̄ yā tun̄ kadə̄ Kɔ́ɔ̄ɓē tə́ tām̄ yā kem kógə̄ḿ tə́ ní. Nin̄ a ɔrə̄n̄ yā kadə̄ *Aaro̰ ō, ngánən gə̄ ō, ngán kaan gə̄ ō ngándáńg.

LEBI GƏ̄ 10:13

adə̄ na ā ə́san̄ i kem *loo kə́ táĺ tə́. Gotə ndujə̄ kə́ ndégə̄ dɔ róō horoó kadə̄ Kɔ́ɔ̄ɓē ní, na i tām̄ yān ni Aaro̰ tə́ kə ngánən gēé. Na yá̰á̰ ń Kɔ́ɔ̄ɓē ədan ni n noó.

LEBI GƏ̄ 7:32

Dā̰ kə́ tun̄ tām̄ yā kem kógə̄ḿ tə́ ní, ā ɔ̄rī ɓúrən kə́ dām̄ kə́ ko̰ó̰ tə́ yā kadə̄ *nge tun̄ yá̰a̰.

LEBI GƏ̄ 7:34

Tɔdɔ̄ dā̰ kə́ yā tun̄ tām̄ yā kem kógə̄ḿ tə́ ń ngán *Israel gə̄ a adə̄n̄ Kɔ́ɔ̄ɓē ní, nganjən kə́ yā ndējə̄ kə gō looneé ō, ɓúrən kə́ yā kɔr ō ní, Kɔ́ɔ̄ɓē taā jī ngán Israel gə̄ tə́ adə̄ i Aaro̰ *nge tun̄ yá̰a̰ nin̄ kə ngánən gēé, adə̄ loon gə̄ ń noō i tām̄ yādə́ nin̄ tə́ ngándáńg.

LEBI GƏ̄ 10:14

Dā̰ gə̄ ń ngán *Israel gə̄ na tunə̄n̄ tām̄ yā kem kógə̄ḿ tə́ ní, nganjədə́ ō, ɓúŕdə́ ō, kə́ ndējə̄ Kɔ́ɔ̄ɓē kə gō looneé ní na i yá̰a̰ yān kə ngánən gēé kadə̄ adə̄n̄də́. Ni ō, ngánən kə́ dəngam gə̄ ō, kə́ dəyá̰ gə̄ ō, na a əsan̄ i kem loo kə́ *unjə̄ njáý njáý tə́.

LEBI GƏ̄ 10:15

Ngán Israel gə̄ na a reēnəń i naā tə́ kə yibə̄ dā̰ kə́ yā róō horoó dɔ *loo tun̄ yá̰á̰ tə́. Ré na ndējə̄n̄ Kɔ́ɔ̄ɓē kə gō looneé oy anī, na a télnə̄n̄ yā kadə̄n ní ō, ngánən gə̄ ō, ngándáńg kə gō ndū najə̄ Kɔ́ɔ̄ɓē.

TƏ́DA 5:8

Ré kɔ́ɔ̄ yá̰á̰ ní oy kɔ̄ɔ́ ō, ngeen de kə́ ngɔr ngá̰ý kə́ yā taā gotən tə́ gətóo ō anī, i yā téləń kadə̄ Kɔ́ɔ̄ɓē, adə̄ i yā *nge tun̄ yá̰a̰. Deē ń najə̄ i dɔn tə́ ní a adə̄ bal batə̄ kadə̄ nge tun̄ yá̰a̰ utə̄ń dɔ majaĺ yān.

TƏ́DA 31:41

Moijə tél kə dɔ yá̰á̰ kə́ kɔr̄ tām̄ yā Kɔ́ɔ̄ɓē tə́ adə̄ Eleajar *nge tun̄ yá̰a̰ tītə̄ ń Kɔ́ɔ̄ɓē ədanəń ní.

NDŪ NAJƏ̄ 12:26

Yá̰a̰ gə̄ ń ā āwīneé loo ń Kɔ́ɔ̄ɓē a gə̄rā tə́ ní, i yá̰a̰ gə̄ ń ā ɔ̄rī kam̄də́ tayā tām̄ yā Kɔ́ɔ̄ɓē tə́ ní ō, i yá̰a̰ gə̄ ń ə̄nīī ndūsí yā kadə̄ Kɔ́ɔ̄ɓē ní ō ngóy.