TƏ́DA 30:2 - Bible sar

² Gō tə́ anī Moijə əda ngār gə̄ kə́ dɔ gír ɓē yā ngán *Israel gə̄ tə́ na: Yá̰á̰ ń Kɔ́ɔ̄ɓē mēr̄ rāā ní n toó:

Bibəl ta Sar̄

² Gō tə́ anī Moijə əda ngār gə̄ kə́ dɔ gír ɓē yā ngán Israel gə̄ tə́ na: Yá̰á̰ ń Kɔ́ɔ̄ɓē mēr̄ rāā ní n toó:

TƏ́DA 30:2 Referans Kwoze

PĀ GƏ̄ 50:14

Ādə̄ *yá̰a̰ tun̄ yāí kə́ ndējə̄ i ɓōkə́ Nə́ɓā tɔ̄ȳ ō, ī-rāā yá̰a̰ gə̄ ń ə̄nī ndūí yā rāā kadə̄ Nə́ɓā kə́ dɔɔ́ sa̰y ngá̰ý ní ō.

PĀ GƏ̄ 116:14

M-ā m̄-rāā yá̰á̰ ń m-ə̄nī ndūḿ yā rāā kadə̄ Kɔ́ɔ̄ɓē ní, ta kum gír deē yān gə̄ tə́ malang.

Makətūbə̄ yā Job 22:27

Dan ń ā ī-rāān ɓɔ́ anī, ni a oō nōō yāí ō, yāí i kadə̄ ī-rāā yá̰á̰ ń ə̄nī ndūí yā rāā ní ngóy ō.

KƏLA RĀĀ 23:12

Dan ń loo tīī anī *Jipə kə́rēý gə̄ oōn̄ naā, nin̄-túbə̄n̄ kə yá̰a̰ kəsaá ō, kə yá̰a̰ ka̰yá̰ ō, bátə́ kadə̄ ré n-tɔ̄lə̄n̄ Pol pá tá.

KƏLA RĀĀ 23:21

Ba ī-lōō taā kemdə́! Tɔdɔ̄ de gə̄ kə́ dandə́ tə́ kə́ mānə̄n̄ kutə̄ sɔ́ ń noō túbə̄n̄ kə yá̰a̰ kəsaá ō, kə yá̰a̰ ka̰yá ō, bátə́ kadə̄ ré kə n-tɔ̄lə̄n̄ Pol pá tá. Adə̄ nin̄-ton̄ a um̄nən̄ noó. Ń toō nin̄-ndin̄ dɔ rɔ̄də́ tə́ kɔ̄ɔ́, ba a ngóōn̄ i taí ḭ̄ ngóy kadə̄ ī-ndigə.

Gōsə̄ najə̄ gə̄ 20:25

Kəda láẃ kanjə̄ gír̄ yá̰a̰ na yá̰á̰ ń toō i yá̰á̰ kə́ tām̄ yā Nə́ɓā tə́ ní, i gūmbə̄ tām̄ yā deē tə́, to i ti tə́ ndū kə́ kənī pá tá tél gír̄ yá̰a̰ gō tə́ gogə́ beē.

PĀ GƏ̄ 116:18

M-ā m̄-rāā yá̰á̰ ń m-ə̄nī ndūḿ yā rāā kadə̄ Kɔ́ɔ̄ɓē ní, ta kum gír deē yān gə̄ tə́ malang,

PĀ GƏ̄ 55:20

Ādə̄ Nə́ɓā oō ndūḿ ba əla rɔ̄sɔl̄ dɔdə́ tə́. Ni ń ndi dɔ kōr̄ kāgə̄ mbang tə́ i ta kəla gíŕ tə́ ní! Tɔdɔ̄ nin̄ a tūrə̄n̄ háĺdə́ aĺ ō, a ɓōlə́n̄ ndíĺ Nə́ɓā aĺ ō.

PĀ GƏ̄ 22:25

Ni kídə̄ deē ń ndoō rāān aĺ naā ní aĺ ō, mbātə́n aĺ ō. Ni tūr̄ gidən tan tə́ alé. Dan ń nōō kə̄ dɔn tə́ ní oō nōō yān.

LEBI GƏ̄ 5:4

Aláa ré deē kə́rēý túbə̄ kə́ kadə̄ rāā majə seneé, aké kadə̄ rāā majaĺ seneé, ba ni túbə i gō gír̄ yá̰a̰ aĺ tə́, najə̄ yá̰á̰ kə́rēý kə́ deē asə túbə tāmən tə́ tə́, tá ré ger̄ kadə̄ ni túbə̄ i gō gír̄ yá̰a̰ aĺ tə́ anī najə̄ i dɔn tə́.

2 KORḚNTƏ 1:23

Kə́ tām̄ yāḿ mā tə́ ɓáa m-úń Nə́ɓā kadə̄ ni i de kə́ kum tə́ yāḿ. Ré m̄-sor̄ i mbée anī ādə̄ ni-tɔ̄lə̄m̄ kɔ̄ɔ́. m̄-lōō gíŕ tél kaw̄ gogə́ Korḛntə tə́ i yā kadə̄ yá̰á̰ kə́ tōr̄ rāāńsí alé.

PĀ GƏ̄ 76:11

Wōn̄g yā deē ndul gə̄gē ɔsə gɔnií, banī ngé gə̄ ń teēn̄ ta wōn̄g yāí tə́ ní, a rāān̄ nāā tām̄ yāí tə́.

KƏLA RĀĀ 23:14

Nin̄-aw̄ əngen̄ ngol *ngé tun̄ yá̰a̰ gə̄ ō, *kum kɔɔ̄ gə̄ ō, ba ədan̄də́ na n-túbə̄n̄ kə yá̰a̰ kəsaá ō, kə yá̰a̰ ka̰yá̰ ō, bátə́ kadə̄ ré kə n-tɔ̄lə̄n̄ Pol pá tá.

MATIYE 23:18

Tá sḭḭ̄ ə́daī ɓáý to̰ na ré deē túbə kə *loo tun̄ yá̰á̰ anī, nge ń noō na i yá̰a̰ alé. Ba ré deē túbə na i kə *yá̰a̰ ndējə̄ kə́ dɔ tə́ tá na ənī na i ndūn kə́ nja ngár̄ tə́.

MATIYE 23:16

Sḭḭ̄ ngé kum tɔ̄ɔ̄ kə́ ngé kɔjə de gə̄ ta róbə gə̄, yāsí i rɔ̄ ndoō! Tɔdɔ̄ sḭḭ̄ ə́daī na ré deē túbə kə kújə yā Kɔ́ɔ̄ɓēé anī, nge ń noō na i yá̰a̰ alé. Ba ré deē túbə na i kə lɔ́ŕ kə́ kem *kújə yā Kɔ́ɔ̄ɓē tə́ tá na ənī na i ndūn kə́ nja ngár̄ tə́.

PĀ GƏ̄ 119:106

m̄-túbə m-ə̄nīń míndə́ḿ yā ngɔ̄m̄ ndūí gə̄ ń ī-ra dɔ tə́ á i yá̰á̰ kə́ gōtə́ gə̄ ní.

PĀ GƏ̄ 56:12

M-ə̄ndā kemḿ dɔ tə́, m̄-ɓōĺ to̰ alé. De gə̄ a rāān̄ i rí seḿ?

NGÉ SARYA 11:39

Aw̄ rāā nāā jōó tél dɔ tə́ reē ɓē bɔbə̄neé adə̄ rāā yá̰á̰ ń ənī ndūn dɔ tə́ adə̄ Kɔ́ɔ̄ɓē ní seneé. Ni-oy kanjə̄ ger̄ dəngam.

NGÉ SARYA 11:11

Loo ń noō tə́ Jepte aw̄ naā tə́ kə́ *kum kɔɔ̄ kə́ Galaad gə̄. Adə̄ de gə̄ aw̄ əndānən̄ ngār dɔdə́ tə́ ō, ngol ngé rɔ̄ɔ̄ yādə́ gə̄ ō. Jepte téĺ tə́da najə̄ kɔrə̄n gə̄ malang ta kum Kɔ́ɔ̄ɓē tə́ Misəpa.

TƏ́DA 30:10

Ré dəyá̰ kə́ ngaa koy, aláa dəyá̰ kə́ ngaan mbātə́n ənī ndūn adə̄ Kɔ́ɔ̄ɓē anī, i gáŕ kadə̄ a rāā yá̰á̰ ń ni-ənī ndūn dɔ tə́ ní.

TƏ́DA 21:2

Anī ngán *Israel gə̄ ənīn̄ ndūdə́ adə̄n̄ Kɔ́ɔ̄ɓē ədan̄ na: Kɔ́ɔ̄ɓē, ré ə́la dɔ de gə̄ ń toō gír jījí tə́ anī, j-a jə-*bāā dɔdə́ yā kadī.

Teē Ngán Israel gə̄ 20:7

Ā ī-ɓāŕ rīḿ kanjə̄ kumən alé, tɔdɔ̄ deē ń a ɓāŕ rīḿ kanjə̄ kumən ní, mā Kɔ́ɔ̄ɓē Nə́ɓā yāí m-ā m-ə́ya̰n karī alé.

PĀ GƏ̄ 15:3

Ni tə́da najə̄ kə́ majaĺ gə̄ dɔ madə̄n gə̄ tə́ aĺ ō, rāā madə̄n yá̰á̰ kə́ majaĺ aĺ ō, tájə̄ deē aĺ ō.

TƏ́DA 32:24

Ī-rāāī ɓē bo gə̄ tām̄ yā ngánsí gə̄ tə́ ō, ɔ́riī gong gə̄ tām̄ yā batə̄ yāsí gə̄ tə́ ō, ba ādī dɔsí ndígə̄nal dɔ míndə́sí ń ə̄nīī tə́ ní alé.