TƏ́DA 28:3 - Bible sar

³ Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē.

Bibəl ta Sar̄

³ Ā ī-ndējī Kɔ́ɔ̄ɓē ngán batə̄ kə́ ɓāl̄ kógə̄ḿ gə̄ kə́ loodə́ kógə̄ḿ nujə aĺ gə̄ jōó jōó kə dɔ ndɔ̄ gə̄. Nge ń noō i dā̰ kə́ róō horoó ngándáńg kadə̄ Kɔ́ɔ̄ɓē.

TƏ́DA 28:3 Referans Kwoze

LEBI GƏ̄ 6:9

Gotə *yá̰a̰ ndējə̄ ń a nay ní, Aaro̰ nin̄ kə ngánən gēé a əsan̄, ba a əsan̄ i kanjə̄ *kaa mápa kem *loo kə́ táĺ kógə̄ḿ tə́, adə̄ i kem ndogə̄ kūbə̄ kə́ kəga dɔ kújə kənga naā tə́.

JEJU TEĒ KUM JA̰A̰ 13:8

Ngōn̄ batə̄ ń əjan̄ míndən ní, de kə́ dɔ nang tə́ gə̄ malang ń kété ta kəla gír kəndā dɔ rā̰ ō dɔ nang ō tə́ ɓáa rīdə́ i kə́ ndang kem makətūbə̄ ndi kə kumuú yān tə́ aĺ ní, a rɔȳnən̄.

JA̰A̰ 1:29

Teē kə ndɔ̄ kə́ noō anī, Ja̰a̰ a̰a̰ Jeju a reē kə̄ rɔ̄n tə́, anī əda na: Á̰a̰ī Ngōn̄ batə̄ yā Nə́ɓā, nge kɔr̄ majaĺ yā de kə́ dɔ nang tə́ gə̄.

DANIEL 12:11

Əla gír kum mbang ń deē a asəń ndējə̄ Nə́ɓā *yá̰a̰ tun̄ kə́ dɔ ndɔ̄ gə̄ to̰ aĺ tə́ ō, a əndānn̄eé yá̰á̰ kə́ to yḛr kum kə́ nge nujə loo dɔ *loo tun̄ yá̰á̰ tə́ ō ní, ndɔ̄ gə̄ malang ń a mānə̄n̄ ní I ndɔ̄ dūbú kə́ ɓú jōó kə kutə ndōhó.

DANIEL 11:31

Áskar gə̄ ń ni a əla sedə́ ní a reēn̄ yā ndi ta *loo kə́ táĺ ń i loo kə́ ngan̄g ní tə́ ō, a rāān̄ *loo kə́ táĺ ní loo kə́ karī tə́ ō, a rāān̄ kadə̄ gír tun̄ yá̰á̰ kə́ kə dɔ ndɔ̄ gə̄ gān̄g ō, a udən̄ yá̰á̰ kə́ to yḛr kum kə́ nge nujə loo dɔ *loo tun̄ yá̰á̰ tə́ ō.

DANIEL 8:13

Loo ń noō tə́ m-ōō ndū *de kə́ dɔ rā̰ tə́ kógə̄ḿ ɔr̄ najə̄. anī de kə́ dɔ rā̰ tə́ kə́ rang dəje nge ń a ɔr̄ najə̄ ní na: Yá̰a̰ gə̄ ń a rāān̄ yā rāā yá̰á̰ á nī əda najə̄n kété toō a rāān̄ yá̰á̰ i bátə́ rəngá̰ý tə́? Yá̰á̰ tun̄ kə́ kə dɔ ndɔ̄ gə̄ ní a ɔgə̄n̄ tun̄ i bátə́ rə́ngáý tə́? Yá̰a̰ rāā kə́ gōtə́ aĺ ń najə̄ yá̰a̰ malang sák sák ní a o̰o̰ ɓē i bátə́ rə́ngáý tə́? A tə́ɓān̄ *loo kə́ táĺ ō, de kə́ dɔ rā̰ tə́ gə̄ ō kə njadə́ i bátə́ rə́ngáý tə́?

HEBƏRO 9:6

Dan ń yá̰a̰ gə̄ ń noō malang i kə́ tə́ndādə́ tītə̄ ń noō ní, *ngé tun̄ yá̰a̰ gə̄ a udən̄ kem kújə tandā kə́ ta kəga dɔ tə́ i kə dɔ ndɔ̄ gə̄ yā rāań kəla yādə́.

LEBI GƏ̄ 3:5

Ba *ngé tun̄ yá̰a̰ gə̄ a róōn̄də́ horoó dɔ *loo tun̄ yá̰á̰ tə́ naā tə́ kə *yá̰a̰ tun̄ kə́ róō horoó kadə̄ Kɔ́ɔ̄ɓē. Nge ń noō i yá̰á̰ kə́ róō horoó kadə̄ Kɔ́ɔ̄ɓē kə́ sēēn nelə̄n.

TƏ́DA 28:4

A ndējə̄n̄ kógə̄ḿ kə ndɔ̄ý ō, kə́ noō loo sɔlí ō.

TƏ́DA 28:10

Nge ń noō i dā̰ kə́ róō horoó ndɔ̄ *sabat tə́. Kə dɔ ndɔ̄ *sabat gə̄ malang ní a róōn̄ yā kərōń dā̰ kə́ róō kə dɔ ndɔ̄ gə̄ kadə̄ Kɔ́ɔ̄ɓē ō, kasə kə́ yā tə́te dɔ tə́ ō.

TƏ́DA 28:15

Ā ī-tunī bal bə̄yā̰ kógə̄ḿ yā kadə̄ Kɔ́ɔ̄ɓē tām̄ yā majaĺ tə́ yā kərōń dā̰ kə́ róō horoó kə dɔ ndɔ̄ gə̄ ō, kasə *nduú kə́ tə́te dɔ tə́ ō.

TƏ́DA 28:23

Ā ī-rāāī yá̰a̰ gə̄ ń noō malang yā kərōń yá̰á̰ kə́ róō kə ndɔ̄ý kə dɔ ndɔ̄ gə̄.

TƏ́DA 28:24

Ā ī-ndējī Kɔ́ɔ̄ɓē yá̰a̰ kəsa kə́ róō horoó kə dɔ ndɔ̄ kə́ sīrí gə̄ ń noō kadə̄ sēēn sɔl̄ kemən. Ā ī-ndējīdə́ i yā kərōń dā̰ kə́ tun̄ kə dɔ ndɔ̄ gə̄ ō, kasə *nduú kə́ tə́te dɔ tə́ ō.

TƏ́DA 28:31

Ā ī-ndējī Kɔ́ɔ̄ɓē dā̰ gə̄ ń noō ō, kasə *nduú kə́ yā tə́te dɔ tə́ ō, yā kərōń dā̰ kə́ tun̄ kə dɔ ndɔ̄ gə̄ ō, *yá̰a̰ ndējə̄ kə́ dɔ tə́ gə̄ ō. Ā ə́hɔī i dā̰ kə́ loodə́ kógə̄ḿ nujə aĺ gə̄.

TƏ́DA 29:6

Ā ī-róōī dā̰ gə̄ ń noō horoó yā kərōń dā̰ kə́ róō ndɔ̄ nāā kə́ ta kəga dɔ tə́ kə ndujə̄ kə́ dɔ tə́ ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə *nduú kə́ yā tə́te dɔdə́ tə́ gə̄ ō. Ā ī-rāāī i kə gō looneé. Nge ń noō i yá̰a̰ kəsa kə́ sēēn sɔl̄ kem Kɔ́ɔ̄ɓē.

TƏ́DA 29:11

Ā ī-tunī bal batə̄ kógə̄ḿ tām̄ yā majaĺ tə́ yā kərōń dā̰ ń ī-tunī tām̄ yā majaĺ tə́ ndɔ̄ mā̰ȳ rɔ̄ kə́ bo tə́ ní ō, dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə *nduú kə́ yā tə́te dɔdə́ tə́ gə̄ ō.

TƏ́DA 29:16

Ā ī-tunī bal bə̄yā̰ kógə̄ḿ tām̄ yā majaĺ tə́ ō. Ā ī-tunī dā̰ gə̄ ń noō malang yā kərōń dā̰ kə́ róō kə dɔ ndɔ̄ gə̄ kə ndujə̄ kə́ dɔ tə́ ō, kasə *nduú kə́ yā tə́te dɔ tə́ ō.

1 YÁ̰A̰ GƏ̄ 16:40

kadə̄ ndējə̄n̄ Kɔ́ɔ̄ɓē *yá̰a̰ tun̄ kə́ róō horoó gə̄ *loo tun̄ yá̰á̰ tə́ dəloí ō, loo sɔlí ō, kə dɔ ndɔ̄ gə̄ kanjə̄ kəya̰ ta ō, kadə̄ rāān̄ yá̰a̰ malang kə́ ndang tū *ndū najə̄ ń Kɔ́ɔ̄ɓē adə̄ *Israel gə̄ tə́ ní ō.

2 YÁ̰A̰ GƏ̄ 8:13

Ni ndējə̄ Kɔ́ɔ̄ɓē *yá̰a̰ tun̄ gə̄ ndɔ̄ *sabat tə́ ō, ndɔ̄ teē nāā tə́ ō, ndɔ̄ nāā kə́ bo gə̄ ń a rāān̄ nja mətá kem ɓāl̄ kógə̄ḿ tə́ ní ō, adə̄ i ndɔ̄ nāā yā mápa gə̄ kə́ kanjə̄ *kaa mápa tə́ ō, ndɔ̄ *nāā sāā kōō gə̄ tə́ ō, ndɔ̄ nāā yā kújə kámbə gə̄ tə́ ō. Ni ndējə̄ *yá̰a̰ tun̄ gə̄ ní i kə jī bēl̄ loo rāā yá̰a̰ gə̄ ń Moijə ɔjəń kadə̄ ndējə̄n̄ kə dɔ ndɔ̄ gə̄ ń noō ní.

ESDRAS 3:5

Əla gír ndɔ̄ ń noō tə́ ní nin̄ a ndējə̄n̄ Kɔ́ɔ̄ɓē i *yá̰a̰ tun̄ kə́ róō horoó kə dɔ ndɔ̄ gə̄ kanjə̄ kəya̰ ta ō, *yá̰a̰ tun̄ kə́ kə dɔ ndɔ̄ nāā kə́ ta kəga dɔ gə̄ malang ō, *yá̰a̰ tun̄ kə́ ndɔ̄ nāā yā Kɔ́ɔ̄ɓē tə́ gə̄ ō, *yá̰a̰ tun̄ kə́ ndējə̄ Kɔ́ɔ̄ɓē kə gō kem ndigií gə̄ ō.

AMOS 4:4

Sḭḭ̄ *Israel gə̄, ī-na̰yiī kə̄ loo mbātə́ najə̄ gōḿ tə́ tə́ kə̄ nosí tə́, tɔdɔ̄ āwī kújə ɓesə̄ kə́ Betel tə́ ō, ī-mbātíī najə̄ gōḿ tə́ ɓáý to̰ kə̄ nosí tə́, tɔdɔ̄ āwī Gilgal ō. I tītə̄ ń noō n ā ī-mānīiń dɔ ndūḿ kum kə̄ kété ɓáý to̰ ní! Teē gidə gō ndɔ̄ ń sḭḭ̄ ūgīiń tə́ ní, ī-ndējī *yá̰a̰ tun̄ yāsí gə̄ ō, kə ndɔ̄ kə́ nge ko̰ mətá anī, ī-ndējī kadə̄ karī yāsí gə̄ ō.

DANIEL 8:11

Ni bo bátə́ ugə̄ rɔ̄ ngār yā *de kə́ dɔ rā̰ tə́ gə̄ tə́. Adə̄ *yá̰a̰ tun̄ kə́ dɔ ndɔ̄ gə̄ ní ni ɔgə̄ kadə̄ tun̄ adə̄nən̄ kɔ̄ɔ́ ō, ni-rāā loo ń əndā kújə́ kə́ *táĺ yān tū tə́ ní loo kə́ karī tə́ ō.