TƏ́DA 24:3 - Bible sar

³ adə̄ ni tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō,

Bibəl ta Sar̄

³ adə̄ ni tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō,

TƏ́DA 24:3 Referans Kwoze

TƏ́DA 23:7

Tā anī ni tə́da najə̄ gə̄ ń toō: Balak əla gōḿ tə́ dɔ nang kə́ Aram tə́ adə̄ m̄-reē. Mban̄g kə́ Moab əla ɓārə́m̄ tə́ dɔ mbal̄ gə̄ kə́ gír ɓē tə́ tə́ ba ədam̄ na: Ī-reē, ī-ndɔ̄ĺ de gə̄ kə́ gír kaa yā Jakob tə́ ādə̄m̄. Ī-reē ə̄nī taí gō ngán *Israel gə̄ tə́ ādə̄m̄.

TƏ́DA 24:4

mā ń i de kə́ nge koō najə̄ kɔr̄ Nə́ɓā ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjəm̄ ō ní, dan ń m̄-rɔȳ Nə́ɓā anī, ni tḛḛ̄ kumḿ adə̄ m-á̰á̰ yá̰á̰ kə́ to lo mundə̄ tə́. Ōōī najə̄ kɔrə̄ḿ:

TƏ́DA 23:18

Anī Balam tə́da najə̄ gə̄ ń toō: Balak, ḭ́ḭ dɔɔ́, ōō. Ngōn̄ Sipor, ī-nēl̄ mbīí ōoń najə̄ kɔrə̄ḿ.

TƏ́DA 22:31

Anī Kɔ́ɔ̄ɓē teē kum Balam adə̄ ni-a̰a̰ *nge kaw̄ kəla yā Kɔ́ɔ̄ɓē n ra kum róbó kə njár̄ kəyā kaskaraá jīn tə́ ní. Kə̄ ta jī tə́ noō Balam ɔsə non nang tə́ non tə́.

TƏ́DA 24:15

Anī Balam tə́da najə̄ gə̄ ń toō: Mā Balam ngōn̄ Beor, mā ń i de kə́ kumḿ a̰a̰ yá̰á̰ kə́ to loo mundə̄ tə́ ō, mā ń i de kə́ nge koō najə̄ kɔr̄ Nə́ɓā ō, mā ń i nge ger̄ yá̰a̰ yā Nə́ɓā kə́ dɔɔ́ sa̰y ngá̰ý ní ō, nge ka̰a̰ yá̰a̰ gə̄ ń Nə́ɓā kə́ tɔ́gən i ngá̰ý ɔjə̄m̄ ní ō. Dan ń m̄-rɔȳ Nə́ɓā anī, ni-tḛḛ̄ kumḿ adə̄ m-á̰á̰ yá̰á̰ kə́ to loo mundə̄ tə́.

Makətūbə̄ yā Job 29:1

Job na̰y kə̄ loo kɔr̄ najə̄ tə́ kə míndə́ kə́ kə gōsōó ɓáý, əda na:

1 MBAN̄G GƏ̄ 22:17

Anī Mise tūr̄ ədan na n-a̰a̰ ngán *Israel gə̄ malang tḭ̄ḭ̄n̄ naā kə̄ dɔ mbal̄ gə̄ tə́ tītə̄ batə̄ gə̄ kə́ nge kul̄də́ gətóo beé, ba Kɔ́ɔ̄ɓē əda na de gə̄ ń toō ngoldə́ gətóó ní, ādə̄ náā nəkɔ́ a tél ta kaw̄ gogə́ ɓēé kə kem kə́ sɔl̄ lɔmɔɔ́!

1 MBAN̄G GƏ̄ 22:19

Mise əda na: Majə, ōō najə̄ ń Kɔ́ɔ̄ɓē əda ní: M-á̰á̰ Kɔ́ɔ̄ɓē ndi dɔ kōr̄ kāgə̄ mbang yān tə́, ba *de kə́ dɔ rā̰ tə́ gə̄ malang ran̄ rɔ̄n tə́ kə njadə́ dɔɔ́, ran̄ dɔ jī ko̰n tə́ ō, dɔ jī gelən tə́ ō.