TƏ́DA 20:8 - Bible sar

⁸ Ún kāgə̄ yāí ba sḭḭ̄ kə ngōkó̰ó̰í Aaro̰ ī-ɓāríī ngán *Israel gə̄ ādə̄ ɔsən̄ dɔdə́ naā tə́, ba ɔ̄rī najə̄ kə mbal̄ ń ra noó ta kumdə́ tə́, anī mbal̄ ní a adə̄sí man̄. Ā ī-rāā kadə̄ man̄ teē tū mbal̄ ní tə́ kadə̄ ngán Israel gə̄ a̰ȳn̄ kə yá̰a̰ kul̄ yādə́ gēé.

Bibəl ta Sar̄

⁸ Ún kāgə̄ yāí ba sḭḭ̄ kə ngōkó̰ó̰í Aaro̰ ī-ɓāríī ngán Israel gə̄ ādə̄ ɔsən̄ dɔdə́ naā tə́, ba ɔ̄rī najə̄ kə mbal̄ ń ra noó ta kumdə́ tə́, anī mbal̄ ní a adə̄sí man̄. Ā ī-rāā kadə̄ man̄ teē tū mbal̄ ní tə́ kadə̄ ngán Israel gə̄ a̰ȳn̄ kə yá̰a̰ kul̄ yādə́ gēé.

TƏ́DA 20:8 Referans Kwoze

Teē Ngán Israel gə̄ 4:17

Kə Moijə kə əhɔ kāgə̄ ń noō jīn tə́ kə rāań yá̰á̰ kə́ yáā gə̄.

JEJU TEĒ KUM JA̰A̰ 22:17

Ndíl ō, dəyá̰ *nong ō ədan̄ na: Ī-reē! Deē ń oō ní, ādə̄ əda na: Ī-reē! Ba deē ń kəndā rāān anī, ādə̄ reē ō. Deē ń ndigə anī, man̄ ń a rāā kadə̄ deē ndi kə kumneé ní, ādə̄ kɔ́ɔ̄ taā karī ō.

IJAI 43:20

Dā̰ kə́ bembeé gə̄, tal̄ gə̄ kə burum gə̄ a rɔȳmə̄n̄, tɔdɔ̄ m̄-rāā adə̄ man̄ nūgə́ dəla loo tə́, bā gə̄ nūgə́n̄ loo kə́ tutə ń toō tə́. A̰á̰ā̰, gír de gə̄ ń m̄-gə̄rādə́ ní, m̄-ndigə kadə̄də́ man̄ kadə̄ a̰ȳn̄.

JEJU TEĒ KUM JA̰A̰ 22:1

Gō tə́ anī, *de kə́ dɔ rā̰ tə́ ní ɔjəm̄ man̄ bā kógə̄ḿ kə́ deē a̰ȳ anī a ndi kə kumneé. Bā ní kumən unjə̄ yáŕ yáŕ tītə̄ bətēl̄ kəristal beé ō, teē i tū kōr̄ kāgə̄ mbang yā Nə́ɓā tə́ ō, yā Ngōn̄ Batə̄ tə́ ō.

KƏLA RĀĀ 1:14

Nin̄ malang ní kemdə́ i kógə̄ḿ ō, əhɔn̄ rɔ̄də́ tɔgə loo ndɔ̄ȳ tə́ kə dɔ ndɔ̄ gə̄ ō. Nin̄-ndin̄ i kum naā tə́ kə dəyá̰ gēé ō, kə Mari kó̰o̰ Jeju ō, ngákó̰o̰ Jeju gə̄ ō.

JA̰A̰ 16:24

Bátə́ ngɔlaā ní sḭḭ̄ ī-dəjeī yá̰á̰ kógə̄ḿ kə rīḿ aĺ ɓáý. Ní, ī-dəjeī, anī ā ə́ngeī, yā kadə̄ rɔ̄nel̄ yāsí i kə́ ɔtə̄ kə taá mámák.

Najə̄ kə́ Majə yā Jeju ń Luk ndang ní 11:13

Sḭḭ̄ ń i de kə́ majaĺ gə̄ ní ba ī-gerī kadə̄ ngáńsí gə̄ yá̰á̰ kə́ majə gə̄ anī, Bɔbə̄sí ń ndi dɔ rā̰ tə́ ní tá ger̄ kadə̄ *Ndíĺ kə́ Táĺ ngé gə̄ ń dəjenən̄ ní majə tɔȳ aĺ a?

MATIYE 21:21

Anī Jeju tél ədadə́ na: Ādə̄ m-ə́dásí najə̄ kə́ bo ngá̰ý, ré ī-taāī kem ba kemsí tɔ́sə̄sí dɔ tə́ aĺ anī, i yá̰á̰ ń m̄-rāā kə kāgə̄ kótōó toō ngóy n ā ī-rāāī ní alé. Mbal̄ ń ra toó gə̄gē, ré ə́daniī na kə ɔtə kɔ̄ɔ́ loo ń toō tə́, ba kə aw̄ kə əsō kum bā bo tə́ anī, a ɔtə yā kaw̄ kəsō kum bā bo tə́.

IJAI 48:21

Kem dəla loo ń ni-ɔr̄ *Israel gə̄ ta róbə tū tə́ ní, kəndā man̄ rāādə́ alé. Ni-rāā adə̄ man̄ teē tū mbal̄ tə́ tām̄ yādə́ tə́, ni njar mbal̄ ō, man̄ teē tū tə́ ō.

PĀ GƏ̄ 114:8

Ni i nge tūr̄ mbal̄ kadə̄ tél dang man̄ ō, nge tūr̄ mbal̄ kə́ ngan̄g ngá̰ý kadə̄ tél man̄ kə́ a əɓa nang tə́ ō ní.

PĀ GƏ̄ 105:41

Ni njar mbal̄ anī man̄ teē tū tə́, nūgə́ kem dəla loo tə́ tītə̄ bā beé.

PĀ GƏ̄ 33:9

Ni-ɔr̄ najə̄ anī yá̰á̰ ń ni-əda ní rāā yá̰a̰, Ni-əda najə̄ anī, yá̰á̰ ń əda najə̄n ní teē ndi.

NEHEMI 9:15

Ādə̄də́ yá̰a̰ kəsa kə́ ḭḭ dɔ rā̰ tə́ adə̄ əsan̄ adə̄ tɔ̄l̄ ɓōdə́ ō, ī-rāā ādə̄ man̄ teē tū mbal̄ tə́ adə̄ a̰ȳn̄ adə̄ gān̄g kəndā ń rāādə́ ní ō. Ə́dádə́ na kə reē kə taān̄ ɓē ń ɔ́y jīí kə̄ dɔɔ́ ī-túbəń ə́da na ā ādə̄də́ ní.

JOJUE 6:20

Ngé tun̄ yá̰a̰ gə̄ kɔ̄rə́n̄ tōw̄. Dan ń de gə̄ oōn̄ kōō anī, túrə̄n̄ kɔĺ rɔ̄ɔ̄ kə́ to ɓōĺ ngá̰ý, anī ndogə̄ mbal̄ tetə. Kə̄ ta jī tə́ nuū ngán *Israel gə̄ udən̄ kem ɓēé, náā nəkɔ́ a kumən i súmūú non tə́, adə̄ nin̄ taān̄ ɓē ní.

JOJUE 6:5

Loo ń ré a kɔ̄rə́n̄ tōw̄ kə́ dan ngāl̄ adə̄ ōōī kōō anī, gír de gə̄ malang a əgan̄ kɔŕ əda ō, ndogə̄ mbal̄ ń gīr̄ gidə ɓē ní a tetə nang tə́ ō. Loo ń nuū tə́ ngán *Israel gə̄ malang a udən̄ kem ɓēé, náā nəkɔ́ anī kumən i súmūú non tə́.

TƏ́DA 21:18

Bəlo man̄ ndēr̄ ngār gə̄ bəlo man̄ mbutə de kə́ bo gə̄, ndērə̄n̄ i kə kāgə̄ ko̰o̰ ɓē yādə́ gēé ndērə̄n̄ i kə kāgə̄ jī yādə́ gēé. Nin̄ ḭḭn̄ kem dəla loo tə́ aw̄n̄ Matana.

TƏ́DA 21:15

naā tə́ kə ta jīn kə́ tɔ̄ɔ̄ gə̄ ń kadən kə́ dām̄ kə́ Ar tə́ i dɔ nin̄ loo yā Moab ní.

TƏ́DA 20:11

Moijə un jīn kə̄ dɔɔ́ ba əndā mbal̄ jīn jōó kə kāgə̄ kə́ jīn tə́. Anī man̄ teē tū mbal̄ ní tə́ ngá̰ý kə̄ ta jī tə́ noō, adə̄ ngán Israel gə̄ ō, yá̰a̰ kul̄ yādə́ gə̄ ō a̰ȳn̄.

Teē Ngán Israel gə̄ 17:9

Anī Moijə əda Jojue na kə ɔy de kə́ asən̄ rɔ̄ɔ̄ dɔdə́ tə́ gə̄, kə aw̄ kə rɔ̄ɔń Amalek gə̄. Na bírí na n-a n-ra dɔ ngōn̄ mbalá dɔɔ́ kə kāgə̄ yā Nə́ɓāá jīn tə́.

Teē Ngán Israel gə̄ 14:16

Kə un kāgə̄-jī yān, kə əla kum kə̄ dɔ bā bo tə́, kə gāngəń bā bo naā tə́ jōó kadə̄ ngán Israel gə̄ mānə̄n̄ danaá.

Teē Ngán Israel gə̄ 7:20

Moijə nin̄ kə Aaro̰ rāān̄ tītə̄ ń Kɔ́ɔ̄ɓē ədań ní. Aaro̰ un kāgə̄ yān kə̄ dɔɔ́ əndań man̄ bā ta kum *Parao̰ nin̄ kə ngé kəla yān gēé tə́, anī man̄ bā téĺ mósə malang.

Teē Ngán Israel gə̄ 4:20

Moijə un nə̄yá̰n ō, ɔy ngánən gə̄ ō, tə́ndādə́ gidə kərō yān tə́, ba tél aw̄ gogə́ Ejiptə. Un kāgə̄ ń Nə́ɓā ədan najə̄n ní jīn tə́.

Teē Ngán Israel gə̄ 4:2

Kɔ́ɔ̄ɓē dəje Moijə na ké i rí n i jīn tə́ noō wa. Anī Moijə əda na i kāgə̄.

TA KƏLA 18:14

Yá̰á̰ kə́rēý kə́ dum̄ Nə́ɓā i noó a? Ɓāl̄ kə́ gogə́ tə́ m-ā m̄-tél yā reē ɓēé looí, ɓáa Sara a aw̄ kə ngōn̄ kə́ dəngam kógə̄ḿ jīn tə́.

TƏ́DA 20:7

Kɔ́ɔ̄ɓē əda Moijə na: