TƏ́DA 2:18 - Bible sar

^18-23 *Epəraim a ndi ɓē i dām̄ kə́ no ɓē tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Epəraim tə́ i Elisama ngōn̄ Amihud. De gə̄ yān gə̄ i 40 500. Ngol ngé rɔ̄ɔ̄ gə̄ kə́ gír ɓē yā Manase tə́ i Gamliel ngōn̄ Pedasur. De gə̄ yān gə̄ i 32 200. Ngol ngé rɔ̄ɔ̄ gə̄ kə́ gír ɓē yā Benjamḛ tə́ i Abidan ngōn̄ Gidoni. De gə̄ yān gə̄ i 35 400.

Bibəl ta Sar̄

^18-23 Epəraim a ndi ɓē i dām̄ kə́ no ɓē tə́, kə dərapóo yānneé ō, kə ɓūtə̄ ngé rɔ̄ɔ̄ yān gēé ō. De kə́ dəngam gə̄ malang ń tə́dan̄də́ á nin̄ i ngé rɔ̄ɔ̄ gə̄ ní, ngoldə́ gə̄ i kógə̄ḿ kógə̄ḿ kə dɔ gír ɓē yādə́ gēé. Ngol ngé rɔ̄ɔ̄ gə̄ kə́ gír ɓē yā Epəraim tə́ i Elisama ngōn̄ Amihud. De gə̄ yān gə̄ i 40 500. Ngol ngé rɔ̄ɔ̄ gə̄ kə́ gír ɓē yā Manase tə́ i Gamliel ngōn̄ Pedasur. De gə̄ yān gə̄ i 32 200. Ngol ngé rɔ̄ɔ̄ gə̄ kə́ gír ɓē yā Benjamḛ tə́ i Abidan ngōn̄ Gidoni. De gə̄ yān gə̄ i 35 400.

TƏ́DA 2:18 Referans Kwoze

TƏ́DA 10:22

Gō tə́ anī ɓūtə̄ áskar gə̄ kə́ gō dərapóo yā *Epəraim tə́ əsōn̄ róbó. Elisama ngōn̄ Amihud i ngol áskar gə̄ kə́ gír ɓē yā Epəraim tə́ ō,

TƏ́DA 1:10

Elisama ngōn̄ Amihud tām̄ yā ngán *Epəraim ngōn̄ Jəjep tə́. Gamliel ngōn̄ Pedasur tām̄ yā ngán Manase ngōn̄ Jəjep tə́.

NDŪ NAJƏ̄ 33:17

Ādə̄ de gə̄ rɔȳn̄ Jəjep. Ni-ngan̄g tītə̄ man̄g kə́ bəra beé. Gajən kə́ ngan̄g ngan̄g gə̄ i jōó tītə̄ gajə dɔgə. Ni-tɔ́səń gír de gə̄ ō, bugə́juńdə́ bátə́ aw̄ sedə́ əndādə́ ta ngóy dɔ nang tə́ ō. Gajən kə́ kógə̄ḿ i dūbə̄ de kə́ ngá̰ý gə̄ yā *Epəraim, ba gajən kə́rēý i ɓūtə̄ de kə́ ngá̰ý gə̄ yā Manase.

TA KƏLA 48:5

Ń toō tā a, ngáń kə́ jōó gə̄ ń na ojədə́ dɔ nang kə́ Ejiptə tə́ kété tá kadə̄ na n-reē rɔ̄n tə́ ní na i ngán yān gə̄. *Epəraim ō, Manase ō, na i yān gə̄ tītə̄ Ruben nin̄ kə Simeo̰ó̰.

JEREMI 31:9

Nin̄ reē ugə̄n̄ kə nōó kumdə́ tə́. Rāāmə̄n̄ ɓɔ́ adə̄ m̄-ndɔ́r̄də́ ta róbə. M-āw̄ sedə́ ta bā gə̄ tə́, kə róbə́ kə́ dɔ asə naá tə́ kadə̄ yá̰a̰ əga njadə́ alé. A̰á̰ā̰, tām̄ yā ngán *Israel gə̄ tə́ ní, m̄-tél i bɔbə̄də́ adə̄ *Epəraim i ngōn̄ hágə́ḿ.